Titulli: Nina dhe misteri i Notës Oktave
Origjinali: Nina e il mistero dell' Ottava Nota
Gjinia: Roman
Autori: Moony Witcher
Shqipëroi: Albana Nexhipi
Shtëpia botuese: Pegi
Viti: 2008
Fq. 319
Pesha: 0.341 kg
ISBN: 978-99956-28-40-6
Fragment nga libri
Në pak çaste, gjithë pasqyrat u bënë të verdha e të kuqe. Mes flakëve të larta u shfaq fytyra e magjistarit. Sytë e tij shëmbëllenin me dy karfica dhe e qeshura i shpërtheu si buçimë.-Hahaha, haha, shtrigëz budallaqe. Kujtoje se më kishe nxjerrë jashtë loje. Naive! Si mund të mendosh se ke asgjësuar Djallin? Bëhu gati, të erdhi ora!
Karkoni dukej më i fortë dhe më i vendosur se kurrë. Deti nuk e kishte gëlltitur. Kishte shpëtuar për mrekulli.Për një çast, imazhi i tij u zhduk nga pasqyrat. Gjysmëhëna u fik dhe Nina mbeti në errësirë. Pas ca sekondave, përpara saj shpërtheu një flakë që shkoi deri në tavan. Mes gjuhëve të flakës qe ai: Konti!-Shpëtimi yt është i mallkuar. Ia dole të mos mbyteshe. Por unë s'kam frikë prej teje! - i ulëriti Nina me gjithë frymën që kishte në trup. Po gënjente pa pikë turpi dhe këtë e dinin fare mirë të dy.