Harry Potter dhe Princi Gjakpërzier, J.K. Rowling

Titulli: Harry Potter dhe Princi Gjakpërzier, vëllimi i gjashtë
Origjinali: Harry Potter and the Half – Blood Prince
Gjinia: Roman
Autori: J. K. Rowling
Shqipëroi: Amik Kasoruho
Shtëpia botuese: Dituria
Viti: 2006
Fq. 500
Pesha: 0.613 kg
ISBN: 978-99927-59-73-9

Mbi librin

Në fund të vëllimit të pestë e lamë Harri Poterin të trazuar, vetëm, dhe më një peshë në zemër. Sirius Bleku, nuni i tij, vdiq. Fjalët e Albus Urtimorit për profecinë i kanë treguar edhe një herë që nga beteja me Lord Fluronvdekjen e ndan vetëm një hap. Asgjë nuk është si më parë: lidhja e fundit me familjen e tij është prerë, madje edhe Hoguortsi nuk është më një strehë e sigurtë si në vitet e mëparshme.

Kurse Fluronvdekja është më i fortë se kurrë, më mizor, më i pamëshirshëm. Edhe vetë Harri e di që ka ndryshuar. Pasiguria dhe një ndjenjë pafuqie e pesë viteve të para i ka lënë vendin vendosmërisë dhe një këmbënguljeje ndryshe, prej të rrituri.

Në vëllimin e gjashtë të Harri Poterit, Rowling e pasuron skenarin me shenja, gjurmë dhe të fshehta të mrekullueshme, dyshime dhe të vërteta që nuk zgjidhen, por që shumojnë enigmat; personazhe të reja, magji të reja, por edhe zbulime të papritura për personazhe tashmë të njohura... në pritje të aktit të fundit.

Fragment nga libri

-Oh, lëri këto, Harri, - i tha Hermiona, që e humbi durimin përnjëherësh, - Nuk është Kuidiçi që është bërë kaq i njohur, je ti! Nuk ke qenë kurrë më interesant se sot dhe, po të flasim hapur, nuk ke qenë kurrë kaq fantastik. Roni desh u mbyt me një alamet cope harengë. Hermiona i hodhi një shikim gjithë përçmim, para se të kthehej përsëri për nga Harri. -Që të gjithë e dinë se ti na the të vërtetën, apo jo? E tërë bota e magjisë është e detyruar ta pranojë se ti kishe të drejtë në lidhje me Fluronvdekjen, që po kthehej, dhe se ti e kishe ndeshur përnjëmend dy herë në këto dy vjetët e fundit dhe se i kishe shpëtuar të dyja herët. Dhe tashti po të quajnë "Njeriu i zgjedhur". Bukur, atëherë a mund të më thuash pse njerëzit të mos ngashënjehen prej teje?

Komente mbi librin

"Le ta themi që me të parën dhe nuk është thjesht entuziazëm! Harry Potter dhe Princi Gjakpërzier është i shpejtë, nxitës, me një dramë të papërballueshme!"

Daily Mail

"Çdo faqe përmban surpriza të reja. Është libri më dramatik dhe me tension më të madh nga e gjithë seria. E sigurt: fansat e Harry Potterit do të mbeten të mrekulluar."

Independent on Sunday