Titulli: Psikovampirët, ballafaqim pozitiv me grabitësit e energjisë
Origjinali: Psychovampire, Über den positiven Umgang mit Energieräubern
Autorë: Hamid Peseschkian, Connie Voigt
Gjinia: Psikologji
Shqipëroi: Silke Liria Blumbach
Shtëpia botuese: Psikostil
Viti: 2010
Fq. 156
Pesha: 0.221 kg.
ISBN: 978-9928-4002-0-8
Mbi librin
Kurrë s'mund të kënaqet shefi, shoqja i di gjithnjë gjërat më mirë se ti, fqinji që ke përballë i fut hundët kudo...dhe nganjëherë mjafton vetë mendimi për një person që të ndihesh i rraskapitur dhe fare pa energji. Koncepti i psikovampirëve ndihmon për t'u ballafaquar me këta individë të vështirë.
Me anë të shembujve nga jeta e përditshme, bota e punës si dhe jeta private, të dy autorët demaskojnë dymbëdhjetë tipa të ndryshëm psikovampirësh dhe shpjegojnë përse sulmet e tyre mund të jenë aq të efektshme.
Metoda praktike, ushtrime dhe lista kontrolli me baza profesionale tregojnë se si mund t'u vini kufi këtyre grabitësish energjie, si mund t'i ktheni ndikimet negative në diçka pozitive dhe si mund t'i menaxhoni më mirë burimet tuaja. Një libër që përmban vëzhgime befasuese.
Stimulues dhe njëkohësisht i thellë, ju josh në një mënyrë plotësisht të re të merrni në shënjestër vetveten dhe mjedisin tuaj - që kafshimi i psikovampirit të mbetet pa efekt.
Mbi autorët
Dr. Hamid Peseschkian punon si mjek specialist në psikiatri, psikoterapi dhe neurologji dhe është administrator i një instituti prirës për formimin psikoterapeutik. Si pedagog mban seminare për temat e balancës së jetës, menaxhimit të konflikteve dhe kapërcimit të stresit. Jeton me familjen e tij në Mainz të Gjermanisë.
Connie Voigt punon si gazetare, eksperte për komunikimin dhe trajnuese për udhëheqës. Është pedagoge për komunikimin dhe menaxhim personeli, udhëheq stafe dhe mban referate për fushën e saj "Udhëheqja ndërkulturore". Jeton në Zyrih të Zvicrës.