Titulli: Carere Patria (Mungesa e Atdheut)
Origjinali: Carere Patria (Mungesa e Atdheut)
Gjinia: Ese
Autori: Migjen Kelmendi
Shtëpia botuese: Çabej
Fq. 92
Pesha: 0.151 kg
Fragment nga libri
Një ndjenjë letente apatridi gjithmonë e ndieja në vete. Isha mbarsur me të. Si me vdekjen. E luftonte bindja ime e marrë se, më në fund, me të rënë komunizmi, do të bëhem edhe unë me Atdhe. Më ngrohte ekzistimi i Shqipërisë, vetë fjala...
Shqipëria ishte ai guri i madh që i mungonte mozaikut tim, ajo gjysmë e humbur e librit që më kallte kërshërinë me epilogun që nuk mund ta lexoja, ajo letër e humbur që nuk ma kishin nisur kurrë, ajo copë e thyer e pasqyrës në të cilën pashë veten për herë të parë qartazi e të tërë.
Mbi autorin
Migjen Kelmendi ka lindur në Prishtinë më 12 shtator 1959. Ka kryer studimet e larta për gazetari në Fakultetin Juridik të Prishtinës dhe ka punuar në Televizionin e Prishtinës, në Televizionin Shqiptar (Tiranë) dhe në Televizionin shqiptaro – amerikan "Victoria" në Nju Jork.
Sot është kryeredaktor në Televizionin e Prishtinës. Botës së artit i qaset fillimisht përmes muzikës si lider i grupit rock "Gjurmët" (1981 – 1986). Letërsisë i vjen së pari si botues (revista "Epoka", 1991). Më 1994 boton romanin e parë "Gryka e Kohës".
Librin e dytë "Carere Patria" e shkruan pas udhëtimeve që ndërmerr për herë të parë në Shqipëri dhe e boton së pari në revistën teoriko – letrare MM tek e cila është bashkëthemelues e redaktor. Së fundi ka botuar librin "Amerika, P'ej shpie". Migjen Kelmendi është edhe përkthyes (ka përkthyer "Një varr për Boris Davidoviçin" të Danilo Kishit).