Erotikoni dhe Satirikoni, Virgjil Muci

Titulli: Erotikoni dhe Satirikoni
Origjinali: Erotikoni dhe Satirikoni
Gjinia: Rrëfenja, përralla
Autori: Virgjil Muçi
Shtëpia botuese: Aeditions
Viti: 2010
Fq. 416
Pesha: 0.888 kg.
ISBN: 978-99956-41-15-3

Rreth librit

Ky libër, i cili përbëhet nga dy pjesë: pjesa e parë "Erotikoni" dhe pjesa e dytë "Satirikoni", përmban 100 rrëfenja të mrekullueshme të përmbledhura nga Virgjil Muçi. Rrëfenjat i mbështjell atmosfera e shndritshme e një periudhe të lumtur të historisë së një vendi që ka njohur më fort gjëma e vuajtje sesa gaze e begati. Është një kohë kur oborret, qofshin të mëdha, qofshin të vogla, e princërve dhe fisnikëve arbër feksnin nga vezullimet e një qytetërimi, ku Perëndimi dhe Lindja puqeshin me krejt shkëlqimin e tyre verbues, ku binin në sy sjellje të holla dhe rrezëllimet sylëbyrëse të një qytetërimi e arti të përpunuar. Me sytë e mendjes ne mund të shohim kështjella të mrekullueshme me salla të zbukuruara e të hijeshuara, ku dëfrenin muzikantët e poetët, ku dama të hijshme hidhnin valle dhe u merrnin mendtë të rinjve me hiret e tyre që feksnin më fort se gurët e çmuar që u hijeshonin kryet dhe gjoksin. Kalorës, pazhë e shërbëtorë të veshur me petka të fisme, që shprehnin pasurinë dhe fisnikërinë e zotërinjve të tyre u jepnin jetë dhe gjallëri kështjellave dhe banesave të zotërve të Arbrit. Kopshte mikpritëse e të lulëzuara, manastire të pasura e murgj të ditur, qytete gjithë jetë ku lëvrinte tregtia janë disa nga dëshmitë që sjellin rrëfenjat tona dhe që përshkruajnë një jetë të qetë e të hapur ndaj kontakteve me njerëz dhe raca gjithfarësoj që lundronin ujërave të Mesdheut dhe udhëtonin nga viset rreth e qark.

Koment nga Virgjil Muçi

Rrëfenjat i mbështjell atmosfera e shndritshme e një periudhe të lumtur të historisë së një vendi që ka njohur më shumë gjëma e vuajtje sesa gaze e begati. Është një kohë kur oborret, qofshin të mëdha, qofshin të vogla, e princërve dhe fisnikëve arbër feksnin nga vezullimet e një qytetërimi, ku Perëndimi dhe Lindja puqeshin me tërë shkëlqimin e tyre verbues, ku binin në sy sjellje të holla dhe rrezëllimet të një qytetërimi e arti të përpunuar.

Me sytë e mendjes ne mund të shohim kështjella të mrekullueshme me salla të zbukuruara e të hijeshuara, ku dëfrenin muzikantët e poetët, ku dama të hijshme hidhnin valle e u merrnin mendtë të rinjve me hiret e tyre. Kalorës, pazhë e shërbëtorë të veshur me petka të fisme, që shprehnin pasurinë dhe fisnikërinë e zotërinjve të tyre u jepnin jetë dhe gjallëri kështjellave dhe banesave të Arbrit.

Kopshte mikpritëse e të lulëzuara, manastire të pasura e me murgj të ditur, qytete gjithë jetë ku lëvrinte tregtia janë disa nga dëshmitë që sjellin rrëfenjat tona dhe që përshkruajnë një jetë të qetë e të hapur ndaj kontakteve me njerëz dhe race gjithfarësoj që lundronin ujërave të Mesdheut dhe udhëtonin nga viset rreth e qark.