Vepra te shquar te dramaturgjise

Titulli: Vepra të shquar të dramaturgjisë
Gjinia: Drama
Shqipëroi: Gjergj Bubani
Shtëpia Botuese: OMSCA-1
Viti: 2009
Faqe: 252
Pesha: 0.301 kg

Mbi librin

Qysh në moshë të re Gjergj Bubani e drejtoi vështrimin kah veprat dramaturgjike të letërsisë botërore, për shqipë-rimin dhe vënien e tyre në skenë për publikun shqiptar. Dy qenë shtysat: talenti e pasioni dhe vetëdijesimi për rolin e fuqishëm të teatrit në zhvillimin kulturor e në qytetërimin e një populli.

Në këtë drejtim, krahas publicistikës dhe lëvrimit të satirës në prozë e në poezi, që në vitet '20 të shekullit XX, veprimtaria e tij në Konstancë e Bukuresht të Rumanisë u shtri në dy kahe: në shqipërimin e veprave të shquara dramaturgjike të letërsisë botërore dhe në vënien në skenë të disave prej tyre, si dhe të dramës "Besa" të Sami Frashërit, në kuadrin e veprimtarisë së shoqërisë kulturore, artistike dhe sportive "Flaga" të djelmunisë shqiptare në koloninë e Rumanisë.

Ai qe një nga nismëtarët dhe organizatorët e kësaj shoqërie, madje në vitin 1931 edhe kryetar i saj. Përveç ndihmesës për shqipërimin e pjesëve teatrore dhe për vënien e tyre në skenë, Gjergj Bubani u shqua edhe në interpretimin e roleve, sidomos në tragjikomedinë "Akim" të Viktor Eftimiut (e cila u shfaq për publikun edhe në gjuhën rumune, edhe në gjuhën shqipe) dhe në dramën "Besa" të Sami Frashërit......

Gjergj Bubani ka shqipëruar dhjetë vepra drama-turgjike, nga të cilat po përmbledhim këtu tri prej tyre që i kishte më për zemër: dramën "Kufoma e gjallë" të Leon Tolstojit, tragjikomedinë "Akim" dhe komedinë "Njeriu që pa vdekjen me sy" të Viktor Eftimiut, të cilave i kemi kushtuar vetëm një përkujdesje të matur drejtshkrimore, me synimin që të mos preket me redaktim përkthimi as nga ana sintaksore, as në leksik.