Albertina e zhdukur, Marcel Proust

Titulli: Albertina e zhdukur
Origjinali: Albertine disparue
Gjinia: Roman
Autori: Marcel Proust
Shqipëroi: Edit Dibra
Shtëpia botuese: Fan Noli
Viti: 2018
Fq. 304
Pesha: 0.377 kg.
ISBN: 978-9928-251-55-8

Fragment nga libri

Gruaja, fytyrën e së cilës e shohim edhe në errësirë, aq sa edhe kur mbyllim sytë, nuk rreshtim së adhuruari sytë e saj të bukur, hundën e bukur, të cilat s’rrimë dot pa ia parë, ajo grua unike, e dimë fort mirë që mund të kishte qenë dikush tjetër po të kishim rastisur në një qytet tjetër nga ai ku e takuam, nëse do të kishim shëtitur në lagje të tjera, nëse do të kishim vizituar një sallon tjetër.

Unike, themi ne? Si ajo mund të ketë me mijëra gra. E megjithatë, ajo është një e vetme, e patjetërsueshme para syve që e dashurojnë, e pazëvendësueshme për një kohë të gjatë nga një tjetër.

Por, falë ca grishjeve magjike, ajo grua thjesht ka zgjuar mijëra elemente dashurie që ekzistonin brenda nesh në gjendje të copëzuar dhe duke i mbledhur tok, duke i bashkuar, duke fshirë çdo çarje midis tyre, ndërsa ne vetë, duke i veshur tiparet e saj, i kemi dhënë një fytyrë personit të zemrës.