Titulli: Kortizo
Origjinali: O Cortiço
Gjinia: Roman
Autori: Aluísio Azevedo
Shqipëroi: Klio Evangjeli
Shtëpia botuese: Ombra GVG
Viti: 2018
Fq. 320
Pesha: 0.409 kg.
ISBN: 978-9928-06-205-5
Mbi librin
Kortizo rrëfen historinë e emigrantëve portugezë, evropianëve, mulatëve dhe ish skllevërve afrikanë që jetojnë në një komunitet të vetëm në Rio. Romani zbulon karaktere që përcaktohen dhe ndryshojnë në varësi të mjedisit dhe pozicionit shoqëror.
Realizmi i thellë, situatat arketipale, ngjyrosja me kujdes e detajeve të ambjentit, ndërgjegjes, raporteve intimite dhe abuzimit falë forcës ekonomike, zbulojnë diferencën psikologjike mes racave të ndryshme, groteskun, ironinë dhe tragjizmin.
Kjo sagë jetësore dhe komplekse e pasionit dhe lakmisë që luhet në nivelet e ndryshme ekonomike të shoqërisë lulëzon në dy linja mbresëlënëse. Një pronar emigrantësh dorështrënguar, në përpjekjet për tu bërë një investitor i madh, braktis të dashurën e tij me ngjyrë për një grua të bardhë të pasur.
Nga ana tjetër, bëhemi dëshmitarë të një marrëdhënie idilike por të rrezikshme të një emigranti pragmatik e të fuqishëm dhe një gruaje të gjallë mulate që jeton në banesën e vogël në pronësi të këtij pronari makut.
Kortizo është një grup portret natyralist i kohës, i ligësisë, mentalitetit dhe veseve njerëzore, i sëmundjes së shoqërisë braziliane.
Koment nga The New York Times
Kortizo më tepër përshkruan dhe ndriçon gjerësisht një mjedis shoqëror sesa historitë e personazheve të veçanta. Stili i gjallë dhe gjuha e fuqishme e Kortizos, zbulojnë detaje të trishtueshme të Brazilit, të kohës së Azevedos.
Një libër me të vërtetë i bukur. Dhe po të mendosh që është shkruar më shume se 100 vjet më parë, është mbresëlënës fakti që vazhdon të jetë po aqi gjallë e aktual: pasi një realitet të tillë e hasim ende në shumë vende të botës.
Një vizatim i shkëlqyer i ambjentit dhe i personazheve të cilët në mënyrë të pamëshirshme janë portretizuar si të këqij. I shkruar thjesht dhe me emocione, me një zotësi të pashoqe për të ndërthurur historitë e personazheve... në fund, një mbyllje vërtet befasuese.