Titulli: Pilot lufte
Origjinali: Pilote de guerre
Gjinia: Roman
Autori: Antoine de Saint - Exupèry
Shqipëroi: Ivana Tomço
Shtëpia botuese: Botart
Viti: 2016
Fq. 200
Pesha: 0.268 kg.
ISBN: 978-9928-219-26-8
Fragment nga libri
... Po të jem gjallë, do të pres natën për të menduar. Natën, aq të dashur për mua! Natën, arsyeja fle. Ekzistojnë vetëm sendet. Ato që vërtetë janë të rëndësishme, marrin përsëri formën e tyre, u mbijetojnë shkatërrimeve të analizave të ditës.
Njeriu i bashkon këto copa dhe bëhet përsëri pemë e qetë. Dita i përket skenave familjare, ndërsa natën, ai që është grindur, gjen përsëri Dashurinë. Sepse kjo e fundit, është më e madhe se moria e fjalëve.
Dhe njeriu mbështetet në dritare, nën yjet, përsëri përgjegjës për gjumin e fëmijëve, për bukën e nesërme, për gjumin e bashkëshortes që qëndron aty, e brishtë dhe kalimtare... Dashuria nuk diskutohet. Ajo ekziston.
Ardhtë sa më shpejt nata, që të më shfaqen disa prova që meritojnë dashuri! E unë të mendoj për qytetërimin, fatin e njeriut, shijen e miqësisë në vendin tim...