Titulli: Mjeshtri dhe Margarita
Origjinali: Мастер и Маргарита
Gjinia: Roman
Autori: Mihail Bulgakov
Shqipëroi:Aleksandër Koli
Shtëpia botuese: Ombra GVG
Viti: 2016
Fq. 616
Pesha: 0.601 kg.
ISBN: 978-9928-06-131-7
Mbi librin
"Mjeshtri dhe Margarita" në Bashkimin Sovjetik të periudhës staliniste mundi të shpërndahet në dorëshkrim në mënyrë klandestine në rrethin e ngushtë të miqve të Bulgakovit. Në format libër u botua vetëm njëzet e gjashtë vjet mbas vdekjes së tij.
Kjo kryevepër konsiderohet si një roman kompleks, e ndërlikuar dhe tronditëse. Përshkrimi alegorik deri në detaje i dramës njerëzore e zhvendos lexuesin mes dy botëve paralele. Pasi ka përjetuar emocione tronditëse ai e ka të vështirë që të bëjë dallimin mes asaj që është e gënjeshtërt dhe së vërtetës.
Ky trazim i ndjesive gjatë leximit nuk lë hapësirë për një zgjedhje vetjake, por e dikton lexuesin për t'i shkuar këtij "teatri" deri në faqen e fundit i shoqëruar me dilema të shumta dhe vështirësi që të bëjë zgjedhjen e duhur mes botës materiale dhe asaj ideale, mes jetës tokësore dhe shpresës për të ardhshmen, gëzimit të rilindjes apo hidhërimit mbas një jete të vështirë e pa shpresë.
Intrigë demoniake, perde të shumta tymi.., satirë therëse, kjo është gjuha e Bulgakovit i cili na bën të reflektojmë për njerëzit, rrezikun që paraqet ndikueshmëria e manipulatorëve dhe sharlatanëve në një grupim shoqëror të caktuar.
Ky libër e çon individin në një marrëdhënie trishtuese e pa perspektivë, e ku i duhet të luftojë për të ringjallur vetveten, përballë një bote të ndërtuar mbi pabesinë dhe dashurinë e humbur.
Koment nga Herald Tribune
"Mjeshtri dhe Margarita" është një roman mbresëlënës, i trishtueshëm dhe shumë i frikshëm... Është një nga kryeveprat e letërsisë botërore.
Mbi autorin
Mihail Bulgakov Afanasevich, ishte një dramaturg dhe romancier rus, i njohur për përdorimin e humorit dhe satirës. Ka lindur në Kiev, më 15 maj 1891, dhe u diplomua në fakultetin e mjekësisë në vitin 1916. Shërbeu si mjek në front gjatë kohës Luftës së Parë Botërore. Në vitin 1926, vuri në skenë pjesët e para dramaturgjike bazuar në romanin "Garda e Bardhë".
Veprat e Bulgakovit u bënë shumë shpejt të njohura, por për shkak të satirës ndaj regjimit sovjetik, për këtë shkak edhe e censuruan. Romani "Zemra e qenit" nuk arriti të të botohej kurrë në Bashkimin Sovjetik. Ai u botua për herë të vetëm në vitin 1987.
Veprat e Bulgakovit, çmohen veçanërisht për vlerat letrare dhe mjeshtërinë e gjuhës artistike. Romani i tij i fundit, "Mjeshtri dhe Margarita", u botua për herë të parë në vitin 1966. Bulgakov vdiq në Moskë më 10 mars 1940.