Titulli: Mikesha
Origjinali: L'invitèe
Gjinia: Roman
Autori: Simone De Beauvoir
Shqipëroi: Diana Çuli
Shtëpia botuese: Pegi
Viti: 2015
Fq. 444
Pesha: 0.474 kg.
ISBN: 9789928175335
Mbi librin
"Mikesha" është romani i parë i Simone De Beauvoir, i botuar më 1943 – shin. Historia frymëzohet nga trekëndëshi dashuror i përbërë nga autorja, Jean – Paul Sartre dhe Olga Kosakiewicz. Ky është një nga ata librat e suksesshëm ku miti ka mbërritur më larg sesa rrëfimi në vetvete.
I prezantuar shpesh si roman i shkruar për t'u hakmarrë ndaj gruas që pothuajse shkatërroi lidhjen e hapur të De Beauvoir – it me Sartre – in, hamendësohet se ai përmban vetëm pasion dhe seks. Në të vërtetë libri paraqet një personazh kryesor të mbytur nga pikëpyetjet ekzistencialiste, që përpiqet të zbulojë kush është dhe ç'vend zë në këtë botë.
De Beauvoir – i shkruan në mënyrë fort shprehëse mbi natyrën njerëzore, duke vënë gishtin në plagë falë përkujtimit të ndjenjave dhe mendimeve që mundohemi gjithmonë t'i varrosim thellë brenda vetes.
Komente mbi librin
"Një nga arritjet më cytëse dhe më të pjekura të prozës franceze të mesit të shekullit XX."
New York Times
"I vendosur në Parisin e paraluftës dhe i mbushur me dashuri, egërsi dhe hakmarrje, "Mikesha" eksploron ndryshimet që lindin në shpirtin e një gruaje dhe të një qyteti që do të kapitullojë së shpejti."
Sunday London Times
"Zoti e di se çfarë ka menduar Olga pasi ka lexuar librin, i cili i kushtohej asaj, me të gjithë historinë e paprekur. Kritikëve iu duk një libër i lehtë dhe dekadent, nëna e De Beauvoir – it u tmerrua dhe romani iu afrua çmimit Goncourt."
Cerise Press
"Kjo vepër mbetet dëshmitare e kundërshtive shpesh tragjike midis përgjegjësisë që kemi ndaj vetvetes, atyre që duam, popullit tonë dhe njerëzimit në tërësinë e tij."
Internet Encyclopedia of Philosophy
Mbi autoren
Simone de Beauvoir (1908 – 1986) ishte një shkrimtare, intelektuale, filozofe, aktiviste politike, teoriciene sociale franceze. Megjithëse nuk e konsideronte veten si filozofe, ajo pati një ndikim të rëndësishëm mbi ekzistencializmin dhe teorinë feministe.
Ka shkruar novela, romane, ese, biografi, një autobiografi si dhe një monografi mbi filozofinë, politikën dhe çështjen sociale. Mes të tjerash, ajo është shumë e njohur për romanet e saj: "L'Invitèe" dhe "Les Mandarins", si edhe për veprën e saj eseistike "Seksi i dytë".