Titulli: Rrugët e Lirisë, Pezull, vëllimi i dytë
Origjinali: Les chemins de la liberté, Le sursis
Gjinia: Roman
Autori: Jean – Paul Sartre
Shqipëroi: Diana Çuli
Shtëpia botuese: Fan Noli
Viti: 2009
Fq. 464
Pesha: 0.449 kg.
ISBN: 978-99956-52-91-3
Fragment nga libri
Kisha njoftuar se sonte do të sqaroja vendin për situatën ndërkombëtare, por u pengova pasdite nga një ftesë e qeverisë gjermane për të takuar nesër, në Mynih, kancelarin Hitler, zotin Musolini dhe Chamberlaine – in. Unë e pranova këtë ftesë.
Ju e kuptoni se në prag të një negociate kaq të rëndësishme jam i detyruar t'i shtyj për më vonë shpjegimet që duhej t'ju jepja. Por para se të nisem, dëshiroj t'i drejtoj popullit të Francës mirënjohjen time për sjelljen plot kurajë dhe dinjitet.
Dëshiroj t'i falenderoj francezët që janë thirrur nën armë për gjakftohtësinë dhe përmbajtjen me të cilën dhanë edhe një herë një provë. Detyra ime është e rëndë. Që nga fillimi i këtyre vështirësive që po kalojmë, nuk kam rreshtur së punuari me të gjitha forcat e mia për paqen dhe për interesat jetike të Francës. Këtë përpjekje do ta vazhdoj edhe nesër me mendimin se jam në mirëkuptimin e plotë të të gjithë vendit.