Morali dhe feja, Albert Pike

Titulli: Morali dhe feja

Origjinali: Morals and Dogma

Gjinia: Konspiracion

Autori: Albert Pike

Shqipëroi: Alfred Cako

Shtëpia botuese: Hegla’s Secret

Fq. 552

Pesha: 0.593 kg

Mbi librin

Të flasësh e të shpjegosh këtë libër është ndoshta edhe më kot sesa të flasësh për rëndësine që ka vepra e Homerit për kulturën e antikitetit doro jonian apo për Biblën e Kuranin për krishtërimin dhe besimin islam.

Autori ka qënë ndërtuesi modern i ngrehinvs moderne të Frimasonerisë në SHBA. Ish gjeneral separatist i Jugut gjatë Luftes Civile Amerikane dhe i vetmi prej tyre që e ka bustin në Washington.

Në SHBA thuhet se çdo bust mund të qëllohet me domate ose vezë, me përjashtim të bustit të Pikes. Edhe sot, kur dikush në elitën amerikane do të thotë mos u kruaj me këtë çështje, thotë: Mos u kruaj me 'Piken'. Libri është një projektor i madh e i fuqishëm drite mbi errësirën e shekujve. Pike ishte nje njohës i mirë i 17-18 gjuhëve të vjetra e të reja dhe ky libër është rezultat i një pune të gjatë e të palodhshme të stafit te tij. 

Morali që mban në këmbë ngrehinën shoqërore të çdo qytetërimi dhe metoda dyshuese tek një filozofi e caktuar e jetës apo besimi gnostik mbi origjinën e saj dhe Universit (feja) tek shumë popuj e qytetërime të vjetra të zhdukura në thellësitë e mjegullnajave të historisë njerëzore gati 8 mijë vjecare të këtij cikli jetësor apo pergjate ketij viti diellor (i gjatë gjithësej 26,6 mijë vjet), pasqyrohen tek ky libër i rrallë i ndare ne 32 kapituj, i kryqëzuar sipas shkallës së vështirësisë së simboleve dhe thellësisë së legjendave në kohë edhe me gradët e 33 shkallëve të Frimasonerisë, që drejtohej nga autori në Juridiksionin e Jugut. Thuhet se Albert Pike e mori Frimasonerinë nga legjendat, për dore, dhe e shndëroi atë nga një ‘kasolle e vjetër dhe e rënuar’ në një ‘qiellgërvishtës modern’.

Të flasësh sot për Piken, është diçka e tepërt pasi, megjithë thashethemet a shpifjet e shumta që kanë erdhur nga organizatat antimasonike për personalitetin e tij të fuqishëm e aspak të zakonshëm, ai përsëri, ashtu si me bustin e tij stoik në Washington DC, ai qëndron stoik e i palëkundur, si një figurë poliedrike, si poliglot i rrallë dhe njeri shumë dimensional që ka treguar karakter gjeniu edhe në fusha të tjera, si në fushën ushtarake gjatë Luftës Civile në SHBA (është i vetmi strateg ushtarak i jugut separatist që është nderuar me një bust hijerëndë në kryeqytetin e kombit amerikan), në fushën juridike, etj.

Sigurisht që të sjellësh këtë libër në shqip është një sipërmarje shumë e vështirë, gati gati sikur të sjellësh Homerin, dhe ne i pranojmë të gjitha vërejtjet që mund të na bëhen nga brezat e ardhshëm elitarë dhe sidomos nga lozhat e Frimasonerisë që po krijohen apo që do të organizohen më mirë në të ardhmen e shpejtë ne Shqiperi, ashtu sic ka ndodhur edhe tek të gjithë kombet e tjerë të civilizuar.