Ujku Gri, Simon Dunstan, Gerrard Williams

Titulli: Ujku Gri, arratisja e Adolf Hitlerit
Origjinali: Grey Wolf: The Escape of Adolf Hitler
Gjinia: Histori
Autori:  Simon Dunstan, Gerrard Williams
Shqipëroi: Çapajev Zere
Shtëpia botuese: Helga's Secrets
Viti: 2015
Fq. 504
Pesha: 0.622 kg.
ISBN: 978-9928-09-039-3

Mbi librin

Pas botimit tonë të dy librave me autor Adolf Hitlerin "Mein Kampf" dhe "Testamenti politik", botimi i këtij libri të shkëlqyer prej dy autorëve bashkëkohës britanikë, Simon Dunstan dhe Gerrard Williams, "Ujku Gri, arratisja e Adolf Hitlerit", sigurisht që fokuson entin botues Helga's Secrets në çështjet e ndriçimit të mirë – dokumentuar ndaj ngjarjeve të mëdha, para e gjatë Luftës së Dytë Botërore, si edhe ndaj figurës së Diktatorit më të madh në histori dhe fundit të tij të vërtetë.

Në fakt, arsyeja kryesore që enti ynë, në bashkëpunim me studiuesin Auron Tare, vendosi ta sillte këtë libër në shqip, nuk ishte thjesht fakti i fatit të Diktatorit, por nxjerrja në pah e një risie të establishmentit nazist për fatin e ardhshëm të Gjermanisë, që ky shtet të mos përfundonte në kushtet ekonomike të llahtarshme si ato të pas Luftës së Parë.

Kjo risi kishte lidhje me transferimin e shumë fondeve financiare të nazistëve në banka të huaja, për t'i përdorur ato pas Luftës, për rimëkëmbjen e Gjermanisë, e cila gjithsesi s'i shpëtoi ndarjes territoriale mes dy kampeve.

Në fakt, historia zyrtare flet me disa mënyra për "vetëvrasjen" e Adolf dhe Eva Hitlerit. "Kufomat e çiftit" të marra nga Ushtria Sovjetike si një relike për të mashtruar popujt (në një kohë që as Zhukovi e as Stalini nuk e besonin këtë përrallë që Hitleri dhe Eva kishin vdekur vërtetë), zyrtarisht janë varrosur e zhvarrosur në vende të ndryshme derisa në vitin1970 ato u dogjën dhe hiri i tyre u shpërnda.

Ndërsa analizat e bëra mbi kafkat e tyre në vitet '90 treguan se ato nuk ishin të çiftit të famshëm. Por nëse historia zyrtare nuk është e vërtetë, atëherë ku dhe si u arratisën Adolfi dhe Eva?

• Cili qe fati i tyre i mëvonshëm?
• A u krye operacioni i arratisjes "Aktion Feuerland" në fshehtësi totale nga syri i Aleatëve apo ata e lejuan atë të largohej?
• Cilët nga Aleatët kanë pasur dijeni mbi këtë operacion të fundit nazist të shpëtimit?
• Cili ka qenë itinerari i arratisjes dhe sa zgjati ky udhëtim i çiftit?
• Në cilin vend përfundoi ky udhëtim?
• Cili qe fati i mëtejshëm i "Organizatës" së lartë të mbetur naziste?
• Si mundi "Organizata" të fshihej e të largohej?
• Kush ka qenë roli i Vatikanit në mbrojtjen e sigurimin e arratisjes së disa nazistëve?
• Kush kanë qenë intrigat për eliminimin e stafit më të ngushtë të diktatorit dhe cili ishte roli i grupit të Bormanit në këto eleminime?
• Si i siguronte mjetet financiare "Organizata" për të mbijetuar në azil?
• A kishte lidhje politike e ndikim mbi klasën drejtuese dhe ekonominë e vendit pritës "Organizata" naziste?
• Cilat mund të kenë qenë shkaqet që grupi i vogël i nazistëve më të lartë u lejua nga Aleatët të largohej e të strehohej në një vend ku ai mund të arrihej, të kapej, gjykohej ose të eleminohej?
• Kur vdiq vërtetë Hitleri dhe si qe fundi i tij?
• Kush ishin njerëzit e tij më të afërt pas arratisjes? A la ai trashëgimtarë e ku shkuan ata?

Të gjitha këto pyetje sqarohen në këtë libër të mrekullueshëm duke davaritur edhe mjegullën mbi ardhjen në pushtet të diktatorit e mbi shkaqet e Luftës së Dytë Botërore.