Titulli: Rizgjimi i Luanit, vëllimi i parë
Origjinali: Human rice get off your knees
Gjinia: Konspiracion
Autori: David Icke
Shqipëroi:Mikel Zavalani
Shtëpia botuese: Helga's secrets
Viti: 2014
Fq. 744
Pesha: 0.801 kg.
Mbi librin
Një libër i mrekullueshëm, që hap si askush tjetër shumë diskutime për tema shumë të rëndësishme që kanë shqetësuar njeriun në fushën e filozofisë, historisë, astronomisë, okultizmit, të para të gjitha këto nën këndvështrimin e konspiracionit.
Risia e madhe e këtij libri është diskutimi dhe citimi i shumë burimeve, të shoqëruara edhe me qindra foto ilustrative, në lidhje me Hënën dhe rolin e saj për të kontrolluar Tokën si syri i vërtetë i Horusit, sateliti artifical i vendosur nga JT që kanë krijuar njeriun homo sapiensin rreth 15 mijë vjet më parë, atëherë kur Toka ndryshoi këndin zero mes dy akseve të boshtit të tokës, atij gjeografik dhe manjetik, çka shkakton katër stinët e vitit, si rezultat i futjes së Hënës artificiale në orbitë.
Hëna ka shumë pikëpyetje. Autori jep faktet e tij se në qendrën bosh të Hënës ka një motor gjigand që shfrytëzon në mënyrë inteligjente energjinë e atmosferës dhe aty ka edhe qytete ku banojnë JT të cilët kontrollojnë Tokën; madje edhe njerëzit e parë të sotëm, pra Eva dhe Adami, ka mundësi të jenë klonuar si fillim në Hënë; reptilianët jetojnë edhe në qendër të Marsit, sipas autorit, të cilin e kanë djegur me rreze lazer, afërsisht në këtë kohë, për shkak të luftës qiellore mes banorëve të saj dhe reptilianëve që kontrollojnë sistemin tonë.
Madje autori thekson se ata kanë lënë një grup njerëzish në Tokë, me ata që kanë krijuar gjoja Besëlidhjen e librave fetare, racën me gjak blu për shkak të fosforit të lartë në gjakun e reptilianëve, të cilët kanë marë peng planetin tonë me bizneset dhe fuqinë e tyre ekonomike e ushtarake, për t'ia nënshtruar gjithë njerëzimin si skllevër të reptilianëve të Hënës, të cilët gjithë këto mijëra vjet janë ushqyer me anë të ushqimeve të Tokës dhe me anë të njerëzve të humbur të cilët përfundojnë në Hënë.
Thjesht një libër tronditës, risi dhe që të zgjidh shumë enigma mbi origjinën e kuptimin e të padeshifrueshmeve simbole ndër shekuj si Syri gjithëpamës i 1 dollarit amerikan, Thoti me sqep, gjarpri ouroborus, gjarpërinjve të farmacive, obelisqeve etj.
Fragment nga libri
Në çastin që ne mendojmë se ne jemi mendja dhe trupi, atëherë fillojnë telashet. Më pas ne jemi të kapur në iluzionin që ne mendojmë se është real. Është pikërisht Mendja ajo, e cila bën të mundur përjetimin e kësaj sfere formash ose gjërash, duke deshifruar realitetin vibrues në iluzione si koha, hapësira dhe fizikaliteti i jashtëm, pak a shumë si një kompjuter që dekodon informacionin e një disku softuerik në imazhe, tekst dhe grafika mbi një ekran kompjuteri.
Koha, hapësira dhe fizikaliteti nuk ekzistojnë përveçse si një konstrukt iluziv dhe ne i përjetojmë ato përmes deshifrimit të sistemeve të mendjes dhe trupit. Është aq e thjeshtë kur ti sheh se si funksionon e gjitha dhe është e jashtëzakonshme ku ti kupton se realiteti fizik është aq i ndryshëm nga ajo çka ne mendojmë se është. Bota "fizike" që ti shikon "përreth" teje ekziston (në atë formë) vetëm në trurin tënd. Qesharake? E pamundur? Jo, thjesht e vërtetë.
Ne nuk e shohim me sytë tanë; ne shikojmë përmes sistemeve të deshifrimit në tru. Sytë e kthejnë informacionin vibracional në sinjale elektrike të cilat truri i deshifron për të ndërtuar realitetin tonë "fizik". Gjithçka është i njëjti informacion në forma të ndryshme, qoftë ai vibracional, elektrik, kimik apo çfarëdolloj tjetër.
Hëna është një anije e ndërtuar artificialisht nga alienët. Ajo përfshin këto mistere:
1. Pse Hëna është një botë triliane – tepër e madhe dhe shumë e pashpjegueshme për të qenë një satelit natyral i Tokës.
2. Pse Hëna përmban kratere kaq të cekët.
3. Pse dhe si Hëna mund të shpjegojë madhësinë e saj.
4. Pse disa shkëmbinj hënorë janë më të vjetër se ata në Tokë dhe aq të lashtë sa sistemi diellor.
5. Pse Hëna duket sikur është mbrapsht.
6. Misteret e ndryshme të maleve.
7. Si ka mundësi që Hëna është një botë e thatë prej pluhuri dhe ndërkohë ka re të rastësishme avujsh uji.
8. Pse Hëna lëkundet si një gong i madh, duke transmetuar dridhje në largësi përreth dhe brenda vetes.
9. Si mundët që Hëna të paraqesë kaq shumë papajtueshmëri midis të dhënave dhe fakteve.
Hëna është sistemi i kontrollit të Reptilianëve. Vendndodhja e Hënës dikton shpejtësinë e rrotullimit të Tokës dhe këndin me të cilin ajo priret – 22.5 gradë nga pingulja. Ky kënd formon katër stinët për shkak të mënyrës si planeti i kthehet Diellit gjatë një orbite vjetore. Hëna ka një ndikim të madh tek baticat – shumë më tepër se Dielli – dhe duke qenë se trupi i njeriut përmban 70 % ujë atëherë kjo ka një influencë fantastike tek ne, edhe vetëm në këtë drejtim.
Hëna përcakton gjithashtu mjaft nga marrëdhënia jonë me kohën dhe, fjala muaj në fakt është hënëz, një periudhë e bazuar në ciklet e Hënës. E dhëna që Hëna është një anije kozmike gjigande është fija që lidh gjithë të tjerat, jo vetëm në lidhje me çrregullsinë e Hënës, por po ashtu me jetën mbi Tokë si dhe komplotin për të skllavëruar njerëzimin.
Fakti është që Reptilianët në Hënë dhe bazat e tyre nëntokësore të Marsit varen nga njeriu dhe Toka për ushqime – mbijetesën e tyre. Kjo është një arsye kryesore porse ata janë kaq të dëshpëruar për të mos dalë në skenë. Uji dhe resurset e tjera merren në mënyrë të vazhduar nga ky planet drejt Hënës dhe Marsit.