Gladio, Daniele Ganser

Titulli: Gladio, shërbimi sekret i NATO – s, 1949 - 2001
Origjinali: NATO's Secret Armies, Operation Gladio and terrorism in Western Europe
Gjinia: Konspiracion
Autori: Daniele Ganser
Shqipëroi: Ilir Krasniqi
Shtëpia botuese: Helga's Secrets
Viti: 2012
Fq. 620
Pesha: 0.62 kg
ISBN: 978-9928-09-018-8

Mbi librin

Si destabilizonte NATO qeveritë e majta perëndimore gjatë Luftës së Ftohtë? Besojmë se të paktë janë lexuesit shqiptarë që e njohin historinë e "Gladios", e cila u përhap në formën e një skandali që shqetësoi gjithë Europën Perëndimore në fillim të viteve '90 të shekullit të kaluar kur në Itali, për herë të parë, u bë e njohur ekzistenca e një rrjeti sekret, i cili paraqiste një natyrë të frikshme dhe të mistershme fuqie.

Në ato vite, dritaret për në botën perëndimore ishin ende të pahapura për shqiptarët, por dikush e kujton akoma bujën që shkaktoi në vitin 1991 situata e sikletshme e kryeministrit italian të kohës, Xhulio Andreoti, pavarësisht se për ne emra të tillë si "Propaganda Due" (P2) apo Licio Gelli, si dhe fjalë të tilla si "Lozha Masonike" ishte e vështirë të kuptoheshin thelbësisht.

Ky skandal u përhap shumë shpejt dhe u pa se përfshiu çuditërisht edhe shtete si Franca, Spanja, Portugalia, Gjermania, Belgjika, Luksemburgu, Danimarka, Suedia, Greqia, madje edhe Turqia etj. "Gladiatorët" u përdorën nga CIA, MI 6, MOSAD etj. deri në vende si Irani apo Nikaragua dhe e veçanta është se, në nevojën për të rekrutuar brenda këtyre ushtrive sekrete njerëz që nuk rrezikonin të kishin prirje të majta, ato u kthyen në organizata të mirëfillta ekstremiste të djathta, në të cilën gjetën strehë jo vetëm elementë të rrezikshëm terroristë, por edhe ish – fashistë dhe ish – nazistë, si dhe neofashistë me bindje ekstremiste.