Kodet e fshehta te Bibles - Jashtetokesoret, Shery Shriner

Titulli: Kodet e fshehta të Biblës – Jashtëtokësorët
Origjinali: The Bible Codes revealed
Gjinia: Konspiracion
Autori: Shery Shriner
Shqipëroi: Majlinda Derhemi
Shtëpia botuese: Helga's Secrets
Viti: 2010
Fq. 248
Pesha: 0.28 kg
ISBN: 978-99956-816-6-8

Mbi librin

Po ju sjellim një libër të rrallë, ndoshta të parin në shqip, ku flitet konkretisht nga autorja amerikane Shery Shriner për ekzistencën e jashtëtokësorëve në planetin tonë Tokë. Madje ajo përmend edhe një bashkëpunim reciprok midis qeverisë amerikane dhe jashtëtokësorëve (JT) duke përmendur edhe një bazë nëntokësore në SHBA, e dyta për nga madhësia, sipas saj, në Dulce Base, bazë të cilën autorja e përshkruan me hollësi se si funksionon dhe çfarë bëhet aty.

Autorja jep një informacion duke u nisur nga deshifrimi i kodeve të Dhiatës së Re dhe të fjalive të profetëve para mesianikë për të shkuarën e planetit tonë (edhe të sistemit tonë diellor dhe galaktik), për racat e ndryshme dhe ndërtimin e vjetër të kozmogonisë të krijuar nga Perëndia.

Në fillim Toka ishte pa formë dhe qytetërimi nuk ekzistonte. Mijëra vjet më vonë, u zbuluan në Tokë shenja të jetës së mëparshme, duke treguar që më parë kishte ekzistuar një jetë tejet inteligjente. Autorja Shery Shriner supozon që përpjekjet për të fshehur të vërtetën fillojnë në vitin 1954, kur një grup alienësh të cilët rrotulloheshin rreth Tokës, zbarkuan në Holloman Air Force.

Duke pasur frikë se planeti i tyre po zhdukej, alienët zbarkuan për herë të dytë në Edwart Air Force Base. Shriner shpjegon se kjo ngjarje madhështore ishte planifikuar më parë dhe në ditën e caktuar, presidenti Ajzenhauer shkoi me shpejtësi drejt bazës, duke u hequr sikur po shkonte për të bërë vizitë te dentisti. Çfarë ndodhi më vonë...?