Gruaja me flatra, Dino Buzzati

Titulli: Gruaja me flatra
Gjinia: Novela
Autori: Dino Buzzati
Shqipëroi: Dritan Çela, Zija Çela
Shtëpia botuese: Ombra GVG
Viti: 2009
Fq. 240
Pesha: 0.297 kg.
ISBN: 978-99956-38-17-7

Mbi librin

Vepra letrare e Buzzati – t ka bërë rrugë të pandërprerë, ajo vazhdon të rrugëtojë nëpër botë. Po të ishte gjallë dhe ndokush ta quante të lavdishëm, ndoshta do të vinte buzën në gaz. Nuk është për t'u habitur, sepse ashtu si lavdinë, edhe vdekjen e pati pritur jo pa shaka. Njëherë, me zakonin për të pikturuar (Buzzati i mbushte dorëshkrimet me vizatime), bëri një skicë ku, me gjasë, i referohej vetes: një plak i mbështetur në bastun, i nisur si për një shëtitje të fundit.

Po atë verë, dikush e fiksoi me aparatin fotografik: Buzzati i plakur, i kërrusur në supe, duke shëtitur me bastun. Në tokë zgjatet hija e rrëzuar e trupit të tij. Ishte vera e vitit 1971. Nuk do të kalonin veçse pak muaj dhe, në janar 1972, do të ndërronte jetë. ... Përmes një libri thuajse pa mëtime nga autori, Italia u njoftua se po vinte një talent i lindur, ç'ka zakonisht shënohet në kalendar. Por as Europa s'do vononte, sidomos nëpërmjet reklamës parisiane, do ta ngrinte lart Buzzati – n si shkrimtar të magjishëm. Nuk është për t'u habitur që, ashtu si mjaft zbulime të mëdha, edhe disa nga shkrimtarët më të mëdhenj i kanë ardhur botës thuajse rastësisht.

Prandaj edhe kontakti i parë me veprat e tyre është konsideruar si zbulim. ... Modest e dyshues te vetja, ndërsa lëkundej mes hamendjesh nëse do të zinte një vend në gazetari, përveçse u bë profesionist në "Corriere della Sera", Buzzati – n e priste lavdia e shkrimtarit të madh. Dhe do ta dëshmonte me romanet: "Shkretëtira e tartarëve" (1940), "Invazioni i famshëm i arinjve në Siçili" (1945), "Një dashuri" (1963), si dhe me një koleksion të pasur tregimesh, ku arriti në majat e prozës së shkurtër moderne.