Novela boterore, vol. 2

Titulli: Novela botërore, vëllimi i dytë
Gjinia: Novela
Autori: Anton Chekhov, Miguel de Cervantes, Charles Dickens, Frédéric Mistral, Rudyard Kipling, Selma Lagerlöf
Shqipëroi: Silvana Leka
Shtëpia botuese: Botimet Poeteka
Viti: 2017
Fq. 126
Pesha: 0.205 kg.
ISBN: 978-9928-230-09-6

Përmbajtja e librit

• Aventurat e dy shokëve, Anton Chekhov
• Historia e qenit Berganxa, Miguel de Cervantes
• Historia e djalit dhe e maces, Charles Dickens
• Arratisja, Frédéric Mistral
• Si u rrit feçka e elefantit, Rudyard Kipling
• Gushkuqi, Selma Lagerlöf

Mbi librin

Novela botërore 2 sjell për lexuesin e ri disa prej shkrimtarëve më të rëndësishëm botërorë, tre prej të cilëve janë fitues të Çmimit Nobel.

Anton Chekhov me historinë e Volodjas dhe Cecevizit na fut në botën e aventurave të dy adoleshentëve që duan të arratisen nga jeta që bëjnë. Por ajo që ata dinë të bëjnë më mirë është të ëndërrojnë dhe të ngrenë një realitet me më shumë fantazi se ai në të cilin jetojnë.

Miguel de Cervantes na sjell dialogun mes dy qenve, Berganxa dhe Shipione, ku mes rrëfimit të jetës së tyre jeta e njerëzve satirizohet aq shumë sa kuptojmë se sa e pandryeshueshme është natyra njerëzore dhe marrëdhëniet e saj. Teksa Berganxa rrëfen jetën e tij, gjithkush do të donte të ishte pranë e ta përkëdhelte.

Charles Dickens në prozën e tij rrëfenhistorinë e një djali të cilit i ati, një kalorës i njohur, i tha se nuk po i linte pasuri, por emrin e mirë. Por shpejt djaloshi e kuptoi se kaq nuk mjaftonte dhe se jetën duhet ta fitonte vetë.

Frédéric Mistral sjell tregimin e mrekullueshëm të një djali të ri, të cilin fantazia e çon në vise të panjohura, ku kryen trimëri të rralla, që zhduken sapo ai hap sytë dhe kupton se nuk ka dalë ende nga shtëpia.

Rudyard Kipling përzien fantazinë dhe humorin me teorinë e Darvinit, rrëfen shumë këndshëm historinë se si hunda e padobishme e një elefanti të vogël dhe kureshtar, arrin të bëhet feçkë e gjatë, sidomos pasi pyet se çfarë ha krokodili për mëngjes.

Selma Lagerlöf dhuron një thesar të çmuar përmes tregimit mbi një zog të vogël të cilit, ditën kur u krijuan kafshët dhe bimët, u harrua t'i jepej ngjyrë për puplat. Ky rrëfim, i njohur botërisht botërisht për vlerën shpirtërore dhe cilësinë letrare, shndërron një zog të thjeshtë, ngjyrë gri, në një krijesë të dashur si gushkuqi, duke na kujtuar njëkohësisht mirënjohjen.