Titulli: Karriera e Rugonëve
Origjinali: La Fortune des Rougon
Gjinia: Roman
Autori: Émil Zola
Shqipëroi: Klio Evangjeli
Shtëpia botuese: Ombra GVG
Viti: 2006
Fq. 416
Pesha: 0.474 kg.
ISBN: 978-99943-440-0-5
Mbi librin
Romani "Karriera e Rugonëve", që siç thotë vetë autori, shkrimtari i shquar francez E. Zola, "duhet të quhet me titullin shkencor: Origjina", është romani i parë i ciklit të Rugon – Makarëve ku autori paraqet jetën dhe zhvillimin e një familjeje nën Perandorinë II.
Prandaj, ai e shtrin veprën e tij në kohë e hapësirë, i jep asaj sfondin historiko – politik, mban në të ritmin e kohës, përdor ngjyrat lokale dhe paraqet tërë atë vorbull idesh që vunë në lëvizje atë epokë.
Në planin e përgjithshëm të Rugon – Makarëve analizohet lindja, zhvillimi dhe rënia e regjimit të Napoleonit III. Ky cikël përshkruan ngjarjet e viteve 1850 – 1860 pas revolucionit të 1848 – ës, kur u përcaktuan qartë kontradiktat klasore midis borgjezisë dhe proletariatit. Shoqëria borgjeze arriti në një shkallë të tillë që as mund ta ëndërronte.
Industria dhe tregtia u rritën në përmasa të papara, u shtua gjithashtu edhe spekulimi, e si pasojë e kësaj edhe mjerimi i masave. Borgjezia e madhe, e frikësuar nga kryengritja e punëtorëve e 1848 – ës, dhe e etur për pushtet të fuqishëm që të mund t'i forconte pozitat e saj, e përshëndeti diktaturën e princit – regjent Lui Bonapartit, i cili siç thotë Zolai "lindi si rezultat i dështimit të kryengritjes, i egoizmit të klasave drejtuese, fuqia e të cilave ishte rritur shumë përpara 2 dhjetorit 1851, në kohën e restaurimit dhe Lui Filipit".
Shoqëria kishte nevojë për këtë aventurier, ajo e thërriste, e ndillte dhe më në fund edhe e krijoi. Puna e Zolait për përgatitjen e Rugon – Makarëve nuk ishte diçka e rastit. Atë e nxitën ngjarjet dhe ndryshimet e mëdha që ndodhën, si: mprehja e kontradiktave klasore, rritja e lëvizjes punëtre, kriza shoqërore e asaj kohe, lufta franko – prusiane e viteve 1870, rënia e Perandorisë së Napoleonit III, si dhe Komuna e Parisit, të cilat sollën si pasojë edhe demokratizimin e pikëpamjeve të inteligjencies së cilës i përkiste Zolai.