Titulli: Klubi Pikuik, vëllimi i parë
Origjinali: The Pickwick Papers
Gjinia: Roman
Autori: Charles Dickens
Shqipëroi: Klodian Briçi
Shtëpia botuese: Fan Noli
Viti: 2011
Fq. 496
Pesha: 0.552 kg.
ISBN: 978-99956-86-38-3
Fragment nga libri
Z. Pikuik shënoi çdo fjalë të pohimit të karrocierit në bllokun e shënimeve me synimin për t'ia njoftuar klubit, si një shembull i veçantë i gjallërisë së kuajve në rrethana sprovuese. Kur ata mbërritën te Kryqi i Artë, ai sapo e përfundoi së shënuari pohimin.
Karrocieri kërceu poshtë, kurse z. Pikuik doli nga karroca. Zotërinjtë Tupman, Snodgras dhe Uinkëll, të cilët kishin pritur me ankth ardhjen e udhëheqësit të tyre të ndritur, iu grumbulluan për t'i uruar mirëseardhjen.
-Ja, tarifa juaj e udhëtimit, - tha z. Pikuik që i zgjati shilingën karrocierit. Po sa shumë u çudit njeriu i ditur kur çapaçuli i flaku paratë në dysheme dhe kërkoi në kuptimin e figurshëm t'i lejohej të kishte kënaqësinë që të përleshej me të për shumë e të hollave!
-Po ti qenke i çmendur more, - i tha z. Snodgras.-Ose i pirë, - tha z. Uinkëll.-Ose të dyja bashkë, - tha z. Tupman.
-Hë de, lërini këto! – tha drejtuesi i karrocës që hapi këmbët në shenjë përleshjeje dhe qëlloi disa grushte paraprakisht pikërisht si orë me zemberek. – Hë de... le të zihemi me ju të katër.