Motra Keri, Teodor Drajzer

Titulli: Motra Keri
Origjinali: Sistre Carrie
Gjinia: Roman
Autori: Teodor Drajzer
Shqipëroi: Aleksandër Koli
Shtëpia botuese: Ombra GVG
Viti: 2015
Fq. 584
Pesha: 0.631 kg.
ISBN: 978-99943-44-25-3

Mbi librin

Romani "Motra Keri" qëndron krejtësisht jashtë sferës së historive dhe përshkrimeve që na japin librat e zakonshëm. Ai le pas vetes mbresa të pashlyeshme madhështie, dinjiteti dhe hapësire epike. Ky libër nuk është një tregim apo roman në kuptimin e rëndomtë të kësaj fjale; ai është njëkohësisht edhe psalm i jetës, edhe një kritikë e fuqishme ndaj saj.

Ideja e shkrimtarit nuk është thjesht të na rrëfejë historinë e një vajze provinciale, Kerit, ngritjen dhe rënien graduale të saj. Qëllimi i tij synon të spikatë qartë rrjedhën e atyre forcave që shtyjnë dhe përcaktojnë fatin e njerëzimit. Ajo çka Drajzeri u përpoq të bëjë është dëshira për të nxitur, për t'u hapur sytë dhe për t'i vënë në lëvizje njerëzit.

Aq forcë të madhe ka libri "Motra Keri" sa lexuesi nuk e mbaron dhe nuk e lë dot mënjanë, vetëm me një nënqeshje të kënaqur. Ai e përfundon atë së lexuari me ndjenja jashtëzakonisht të prekura.

Motra Keri, ky roma i emocioneve të thella, na bën të mendojmë gjatë mbi ulje – ngritjet e jetës sociale. Keri dhe Harstud, dy personazhet e romanit, janë viktima të këtyre rrethanave. Keri është kapluar nga dhimbje pafund, ndërsa fati i Harstudit rrëshqet dita – ditës në një spirale pa shpresë drejt "humnerës".

Drajzeri ka ditur të depërtojë në detaje në dramën njerëzore. Ai pati guximin të shkruajë dhe të materializojë të shkruajë dhe të materializojë gjithçka që shihte në realitet, pa e ndjerë të nevojshme që personazhet t'i përgatiste në "laboratorin" e shkrimtarit, për të ndërtuar kësisoj situata artificiale.

Ndryshe nga shkrimtarët e brezit të tij, vepra e Drajzerit është e vërtetë, pa makiazh. Ai na zbulon se çfarë ndodh prapa dyerve të mbyllura. Kjo është arsyeja që Motra Keri na vjen edhe sot me një madhështi absolute.

Koment nga Sunday Times

Në jetë hasen përherë natyra intelektuale dhe emocionale, mendje që arsyetojnë dhe mendje që ndiejnë. Nga të parat dalin njerëzit e aksionit, gjeneralët dhe pushtetarët; nga të dytat, poetët dhe ëndërrimtarët, apo në përgjithësi artistët. Sikurse tingujt e harpës në ajër, këta të fundit i përgjigjen çdo flladi të fantazisë, duke pasqyruar kështu të tëra baticat dhe zbaticat e botës ideale.

Kësaj kategorie i takon edhe Teodor Drajzeri, shkrimtari kompleks që i preku të gjitha emocionet që të shkakton vepra sa ishte gjallë... me të gjitha ulje – ngritjet emocionale, kurba e së cilës nëse do pikënisej nga Motra Keri është dallga që jeta na vë përballë. Është padyshim vepra më e spikatur e tendencave që shpërfaq letërsia e madhe.