Majkelli, vellai i Xherrit, Xhek London

Titulli: Majkëlli, vëllai i Xherrit
Origjinali: Michael, brother of Jerry
Gjinia: Roman
Autori: Xhek London
Shqipëroi: Aleksandër Koli
Shtëpia botuese: Ombra GVG
Viti: 2012
Fq. 256
Pesha: 0.30 kg
ISBN: 978-9928-06-019-5

Komente nga autori

... Kam parë burgje, geto, shkretëtira, dhoma torturash, kampe lebrozësh, fusha betejash e spitale ushtarake...... Kam parë vdekje dhe gjymtime të lahtarshme...... Kam parë sesi i varnin njerëzit me të meta mendore, vetëm e vetëm ngaqë ishin të tillë...... Kam parë pleq, të rinj e foshnja sesi vdisnin urie......

Kam parë fëmijë lëkurëzinj, që i fshikullonin me kamxhik prej lëkurë rinoceronti... E megjithatë e them me zë të lartë që ta dëgjojnë të gjithë: nuk jam ndjerë kurrë aq i dërrmuar dhe i vrarë shpirtërisht prej këtyre sjelljeve shtazarake të njerëzve sesa kur ndodhesha midis turmave, që gajaseshin e duartrokitnin me të madhe sapo shihnin kafshë cirku të stërvitura që u bindeshin aq "përunjësisht" urdhërave!

Nuk është kollaj t'i bindësh njerëzit të mblidhen dhe akoma më e vështirë t'i bësh ata të lëvizin në protesta të organizuara kundër kushteve të padurueshme të jetës, aq më tepër për kafshët, të cilat me aq "dashuri" i kanë skllavëruar.

Mbi autorin

Xhek London (1876 – 1916), njëri nga shkrimtarët amerikanë më të shquar, është i njohur për dramacitetin, romantikën dhe betejën e njeriut për mbijetesë, si dhe për depërtimin në brendësinë e plagëve sociale të bashkëkohësve të tij. "Kush beson në fantazmat" ishte prova e parë e suksesit të Xhek Londonit që u botua në vitin 1895.

Ndërsa libri "Majkëlli, vëllai i Xherrit" është vepra e fundit të cilën e shkroi gjatë udhëtimit të dytë në Havai në vitet 1915 – 1916. Kjo vepër u botua në vitin 1917 nga Macmillan, pas vdekjes së tij. Deri në nëntor 1916, kishte botuar 43 vepra, kryesisht romane dhe prozë e shkurtër. Mbas vdekjes, janë botuar edhe 8 vepra të rëndësishme, të cilat mbyllin korpusin letrar. Por, studiuesit e veprës së tij, janë të mendimit se në testamentin dorëshkrimor të Xhek Londonit ekzistojnë edhe tekste të tjera që duhet ta shohin dritën e botimit.