Koha per te ikur, Ray Bradbury

Titulli: Koha për të ikur
Gjinia: Novela
Autori: Ray Bradbury
Shqipëroi: Erind Myrtaj
Shtëpia botuese: Ideart
Viti: 2003
Fq. 208
Pesha: 0.221 kg
ISBN: 978-99927-866-7-1

Mbi librin

Në këtë vëllim janë përmbledhur novelat: "Dita kur ra shi përgjithnjë", "Në një stinë", "Dragoi", "Fundi i fillimit", "Kostumi i mrekullueshëm", "Ëndërr ethesh", "Referenti", "Mbrojtësi i martesës", "Qyteti ku nuk zbriste askush", "Icarus Montgolfier Wright", "Fundi i botës", "Buzëqeshja", "Aty – këtu ka tigra", "Parukja" dhe "Shans për të ëndërruar".

Mbi autorin

Shkrimtari amerikan Ray Bradbury është novelist, tregimtar, eseist, dramaturg, skenarist dhe poet. Ka lindur më 22 gusht 1920 në Uokegan, Ilinois dhe u diplomua në Gjimnazin e Los Anxhelos në 1938. Ndonëse edukimi i tij formal mbaroi në Los Anxhelos, ai u bë një nxënës i "shkollës së jetës". Që nga viti 1938 në 1942, ai shiti gazeta në rrugët e Los Anxhelosit, në 1943 i kalonte netët në bibliotekën publike, ndërsa ditët mbi makinën e shkrimit, duke u përpjekur të bëhej shkrimtar i vërtetë, duke botuar për një kohë të gjatë në periodikë të ndryshëm.

Përpara se të bënte një botim të ri, librin "Karnavalet e Errëta" (1947), reputacionin e tij si një shkrimtar vizionar e fitoi me "Kronikat Marsiane" (1950), libër që përshkruan përpjekjet e para të tokësorëve për të pushtuar Marsin dhe pasojat e padëshiruara që soli kjo gjë. Pas kësaj erdhi libri "Njeriu i ilustruar" dhe në vitin 1953 u botua vepra "451 Fahrenhait", për të cilën të shumtë janë ata që thonë se është kryevepra e Bradburit.

Gjithsej, ai ka botuar 72 vëllime me tregime të shkurtra, poezi, ese dhe drama. Punët e tij janë përfshirë në tre përmbledhje: "Tregimi i shkurtër më i mirë amerikan". Ai ka marrë çmimin O'Henry, çmimin Benjamin Franklin dhe çmimin e Qendrës PEN për Arritjen e një jete. Në nëntor të vitit 2000, iu dha Medalja e Fondacionit Kombëtar të Librit për Kontribut të Shquar në Letërsinë Amerikane.

Ka marrë një kandidaturë për çmimin Oscar për filmin e tij të animuar "Icarus Montgolfier Wright" dhe ka fituar një EMMY për flimin televiziv "Pema e Hellouinit". Në 1 prill 2002 në nder të tij u vendos një yll i artë në Bulevardin e Famës në Hollivud. Gjithashtu ai ka përshtatur 65 nga tregimet e tij për ciklin televiziv "Skena e Ray Bradbury – t". Është i martuar që në 1947 dhe jeton me të shoqen, Megin, në Los Anxheles me katër mace, katër vajza dhe tetë nipër.