Margaritari, John Steinbeck

Titulli: Margaritari
Gjinia: Roman
Autori: Xhon Shtajnbek
Shqipëroi: Vedat Kokona
Shtëpia botuese: Kokona
Viti: 2006
Fq. 92
Pesha: 0.12 kg
ISBN: 978-99943-627-8-X

Fragment nga libri

Në qytet tregojnë historinë e margaritarit të madh, se si e gjetën dhe si e humbën pastaj. Tregojnë për Kinon, peshkatarin dhe për të shoqen, Huanën, dhe për foshnjën e tyre, Kojotiton. Kjo histori është ngulur në mendjen e secilit ngaqë është treguar shumë herë.

Dhe, si në të gjitha historitë e ritreguara që janë në zemrat e njerëzve, atje ka vetëm gjëra të mira e të këqija, gjëra të bardha e të zeza, gjëra të mira e të liga dhe asgjë të ndërmjetme. Në qoftë se kjo histori është një alegori, ndofta do ta kuptojë ashtu siç t'ia presë mendja dhe do të lexojë atje jetën e vet. Sidoqoftë, në qytet thonë se...

Mbi autorin

Xhon Stajnbek u lind më 27 shkurt 1902 në Salinas të Kalifornisë. Ishte me origjinë gjermano – irlandeze. Pasi studioi biologjinë detare nga viti 1925 shkroi romanet e para dhe arriti kulmin e karrierës letrare me "Vilet e zemërimit". Personalitetin e Stajnbekut e karakterizojnë tipare tipike amerikane si dashuria për njerëzit e pashpresë dhe patriotizmi sentimental. Gjatë Luftës së Dytë Botërore, Stajnbek ishte reporter lufte. Ai vdiq më 20 dhjetor 1968 në Nju Jork.