Biseda me Jorge Borges

Titulli: Biseda
Origjinali: Borges en diálogo
Gjinia: Roman, filozofi
Autori: Jorge L. Borges
Shqipëroi: Urim Nerguti
Shtëpia botuese: Tirana Times
Viti: 2010
Fq. 292
Pesha: 0.34 kg
ISBN: 978-99956-736-9-7

Mbi librin

Në këto pyetje – përgjigje për radion argjentinase, ai nuk vjen si një shkrimtar i moshuar i mbushur me nderime, por si një njeri në kulmin e zgjuarsisë së tij, erudit dhe tërheqës, që përgjatë tridhjetë bisedave ngacmuese, do të zbulojë pak nga pak fushën e gjerë të refleksioneve dhe frymëzimit të tij.

Nga identiteti argjentinas tek Kiplingu, Borges sjell mbi jetën dhe veprën e tij një ndriçim të ri, të panjohur më parë duke dëshmuar edhe njëherë se ai është njëri nga autorët dhe mendimtarët e mëdhenj të shekullit të XX – të. Fragmente nga libri Ndoshta letërsia nuk bën tjetër veçse përsërit të njëjtat gjëra me një theksim, me një ndryshim fare të lehtë.

Sidoqoftë, mendoj se detyra ime prej shkrimtari nuk është as të zbuloj tema të reja dhe as të shpik çfarëdo qoftë tjetër; unë duhet të përsëris, natyrisht në gjuhën e vendit tim dhe të epokës sime, disa poezi që janë përsëritur gjithmonë, me ca ndryshime të lehta pak a shumë të arrira. Befas e di se do të vijë diçka dhe shpesh, në rastin e novelës, ajo çka do të vijë është fillimi dhe fundi. Në rastin e poemës, jo: këtu ka një ide më të përgjithshme dhe nganjëherë edhe vargu i parë. Pra, diçka më është dhënë, pastaj ndërhyj unë dhe ndoshta hedh në erë gjithçka...