Titulli: Zemra
Origjinali: Il Cuore
Gjinia: Roman
Autori: Edmondo de Amiçis
Shqipëroi: Klara Kodra
Shtëpia botuese: Extra
Viti: 2010
Fq. 308
Pesha: 0.371 kg
ISBN: 978-99956-16-40-3
Fragment nga libri
Edhe kalabrezi ishte i kënaqur. Mësuesi i caktoi vendin dhe e shoqëroi deri në bankën e vet. Mandej tha përsëri:
-Mbajeni mend mirë atë që po ju them. Që të ndodhte kjo: që një djalë kalabrez ta ndjente veten si në shtëpi të vet në Torino dhe që një djalë nga Torinoja ta ndiente veten si në shtëpi të vet në Rexho të Kalabrisë, vendi ynë luftoi pesëdhjetë vjet me radhë dhe vdiqën tridhjetë mijë italianë.
Ju të gjithë duhet ta respektoni e ta doni njëri – tjetrin. Cilido prej jush që do të fyente shokun pse s'ka lindur në krahinën tonë nuk do të meritonte të ngrinte sytë kur kalon flamuri ynë tringjyrësh.
Mbi autorin
Edmondo de Amiçis lindi më 31 tetor 1846 në Onelio dhe vdiq në Bordigera më 11 mars 1908. Pas një karriere të gjatë ushtarake, iu kushtua veprimtarisë letrare dhe bashkëpunoi me shumë revista të rëndësishme. Midis atyre veprave të tij që mund të përkufizohen si "sociologjike", le të përmendim: "Faqe të shpërndara", "Miqtë", "Mbi oqean", "Romani i një mësuesi", "Mësuesja e punëtorëve" dhe "Karroca e të gjithëve".
Vepra "Zemra", e botuar më 1886, mund të quhet më e madhja e letërsisë italiane për fëmijë pas Pinokut. Ajo pati menjëherë një sukses të pabesueshëm që s'u ndie vetëm në kohën dhe në kontekstin e caktuar social të botimit të saj, por mbetet aktuale edhe në ditët e sotme.