Titulli: Himni kombëtar
Gjinia: Histori
Autori: Vasil S. Tole
Shtëpia botuese: Akademia e Shkencave
Viti: 2016
Fq. 272
Pesha: 0.428 kg.
ISBN: 978-99956-10-96-8
Fragment nga libri
Historia dëshmon se një krijim muzikor mund të bëhet një himn kombëtar në tre forma: duke e shpallur si të tillë në Kushtetutën e vendit, përmes një ligji të veçantë ose thjesht nisur nga tradita që e pranon himnin si të tillë.
Përpara se kënga patriotike "Betimi mbi flamur" të pranohej gjerësisht si himn kombëtar i shqiptarëve por edhe si himn "zyrtar" i shtetit të ri shqiptar, në Vlorë, më 1912, po sipas Lasgushit: "kjo ngjau se populli e gjeti të pëlqyer; vetë e dëshiroi ai ashtu, nga gjiri i tij i dha trajtën dhe frymën, vetë e shenjtëroi, duke e dashur me zemër gjer në therori dhe më shumë e përtej vetëtherorisë. Me të luftuan çetat e kryengritjes që ishin nëpër gjithë viset e Atdheut, dhe vdiqën vdekjen e ëmbël dëshmorët e lirisë. Me të u ngrit Flamuri në Vlorë".
Ngritja e flamurit nën tingujt dhe fjalët e "Betimit mbi flamur" ishte vetëm një akt formal nga ana e Ismail Qemal Bej Vlorës për ta "ligjëruar" këtë këngë tash e tutje, si këngën tonë kombëtare.
Përmes këtij akti, sipas Mitrush Kutelit: "Ngritja e Flamurit në Vlorë e lidhi himnin me historinë e vendit". Dhe himnin kombëtar ishte vetë populli që e pranoi si të tillë, duke e bërë de facto himn të gjithë shqiptarëve!