Titulli: Spastrimet etnike, politika gjenocidale serbe ndaj shqiptarëve
Gjinia: Histori
Autori: Hivzi Islami
Shtëpia botuese: Dukagjini
Viti: 2003
Fq. 394
Pesha: 0.504 kg.
ISBN: 9951-05-041-7
Fragment nga libri
Aspiratat hegjemoniste dhe shoviniste të qarqeve, regjimeve, madje edhe popujve të tërë në kohën tonë kanë nxitur edhe një tip krejtësisht të ri të migrimeve, me përmbajtje specifike, të ashtuquajtur "migrime humane", "këmbim popullatash" apo "spastrim etnik".
Këto nocione, veçanërisht "spastrimi etnik", në teori dhe në praktikë duken të reja, të përdorura nga organizatat e ndryshme ndërkombëtare humanitare dhe nga vetë OKB – ja gjatë luftërave në dhjetëvjetëshin e fundit të shekullit XX – të në ish – Jugosllavi (Kroaci, Bosnjë – Hercegovinë, Kosovë), të cilat i provokoi dhe i zhvilloi Serbia dhe serbët për realizimin e qëllimeve të tyre hegjemoniste, grabitjen e territoreve të popujve të tjerë.
Mirëpo, kur të vështrohet përmbajtja e "pastrimit etnik" si model gjenocidal i të menduarit dhe të sjelljes dhe realizimi praktik i këtij lloj krimi, atë mund ta gjejmë indirekt të specifikuar në dokumentet e OKB – së që nga formimi i saj në kuadër "të parandalimit dhe të dënimit të krimit të gjenocidit" dhe atë si akt qëllimi për shfarosjen e plotë apo të pjesshme të një grupi kombëtar, etnik, racor apo fetar.
Në kuadër të krimeve kundër njerëzimit, shpërngulja e qëllimshme, e planifikuar, sistematike dhe e dhunshme e popullsisë së një etnikumi, në sistemet juridike të shumë vendeve, duke përfshirë edhe legjislacionet e vetë vendeve që ushtrojnë ndërmarrje me karakter gjenocidi, konsiderohet si krim gjenocidal.