Banner

Rruga e mundimshme e shkolles shqipe, Valbona Nathanaili

Përmbajtja e librit ndjek veprimtarinë e Ministrisë së Arsimit dhe pasqyron aktivitetin e kryer në zonat që përfshin shteti, si në qeveritë e para, kur shteti shtrihet në vetëm disa nga qytetet e sotme, ashtu edhe në qeveritë e fundit, kur pjesë e Shqipërisë janë edhe Kosova e Tetova.

Përshkrimi

Titulli: Rruga e mundimshme e shkollës shqipe
Origjinali: Rruga e mundimshme e shkollës shqipe
Gjinia: Histori
Autori: Valbona Nathanaili
Shtëpia botuese: UET Press
Viti: 2016
Fq. 314
Pesha: 0.993 kg.
ISBN: 978-9928-190-68-0

Koment nga autorja

Për disa qeveri, veprimtaria e të cilave ka qenë shumë e kufizuar në kohë, nga një ditë në disa muaj, është mjaftuar vetëm evidentimi i tyre, më shumë për statistikë, se për punën e kryer. Për shumë nga ministrat e arsimit është paraqitur edhe një përmbledhje e jetëshkrimit dhe veprimtarisë së tyre si individë, jo vetëm ajo në detyrën e titullarit të ministrisë së arsimit.

Koment nga Aleko Minga

Kriteri kronologjik dhe i ngjashmërive në problematika e zhvillime e përligj plotësisht ndarjen e periudhës 1912 – 1944 në disa nën – periudha. Autorja është e vetëdijshme se ekzistojnë edhe materiale të tjera arkivore që mund të plotësonin mozaikun e arsimit, por në çdo punë, po nuk u ndoq një radhë, ekziston rreziku të mos shohësh pyllin prej drurëve.

Për këtë arsye, përqendrimi parësor në fondet e Ministrisë së Arsimit, ishte filli i Ariadnës për të mos humbur në labirint. Plotësimet e nevojshme do të duhet të realizohen dora – dorës, në "kohë të vet".

Libri që merrni në dorë ofron një material mirë të mjaftueshëm për meditim vetjak dhe për të krijuar një ide e përfytyrim relativisht të saktë për procesin e zhvillimit të arsimit në periudhën e parë e mjaft të trazuar, por edhe interesante, që zu fill më 1912 dhe u mbyll më 1944.

Mbi autoren

Valbona Nathanaili është diplomuar pranë Universitetit të Tiranës, Fakulteti i Shkencave të Natyrës, dega Fizikë më 1983. Më 1987 mbaron studimet pasuniversitare në shkenca pedagogjike pranë Universitetit të Tiranës, Fakulteti i Shkencave Sociale.

Në vitin 2000 i akordohet një bursë studimi pranë Universitetit të Oslos, Norvegji. Gjatë periudhës 2002 – 2005 ka qenë pjesë e trajnimeve të organizuara nga "Austrian Study Centre for Peace and Conflict Resolution (ASR)", Stadtschlaining/Austri.

Përvojat jashtë gërshetohen më shumë trajnime të kryera brenda vendit nga organizata kombëtare e ndërkombëtare. Përvojat në punë deri më 2006, përfshijnë (por jo vetëm): mësuese fizike pranë gjimnazit "Q. Stafa", drejtore në shkollat "Xh. Delli" e "A. Buda"; pedagoge e fizikës pranë Universitetit të Tiranës, Fakulteti i Inxhinierisë; koordinatore programesh e drejtore projektesh; bashkëpunime me shumë OJF të vendit dhe të huaja në ideimin dhe zbatimin e projekteve në fushën e arsimit dhe të kulturës.

Nga viti 2006 – 2012, drejtore e Shtëpisë Botuese Universitare AU Press (UFO Press) dhe lektore e Politikave dhe Reformave në fushën e edukimit pranë Albanian (UFO) University. Aktualisht është drejtore e Shtëpisë Botuese Universitare UET Press dhe lektore e jashtme pranë Universitetit të Tiranës, Fakulteti i Shkencave Sociale dhe ai Filologjik në Teoritë e Edukimit.

Përkthyese dhe botuese e një numri shumë të madh librash në fushën e arsimit të lartë. Autore e shumë artikujve shkencorë dhe publicistikë, librave dhe reçensave.

Detajet e librit

Botuesi UET Press

Bashkëngjitje

Shkarkime

KATËR HAPA PER TE POROSITUR

Udhëzues i shkurtër mbi procesin e porositjes së librave nëpërmjet faqes tonë.

Shkarkime (292.13KB)

Ndoshta mund të pëlqejë edhe