Titulli: Qeverisja dhe politika si ndërvarësi: koncepte, parime, praktika
Origjinali: Qeverisja dhe politika si ndërvarësi: koncepte, parime, praktika
Gjinia: Shkenca politike
Autori: Salih Kelmendi
Shtëpia botuese: UET Press
Viti: 2015
Fq. 666
Pesha: 0.945 kg.
ISBN: 978-9928-190-15-4
Komente mbi librin
“Ky libër do të pasurojë lexuesit e tij me shumë njohuri, parime bazë të qeverisjes dhe administrimit. Por, edhe më të çmuara se veprat e tij janë urtësia, mençuria, aftësia, ndershmëria, përkushtimi me të cilin Salih Kelmendi u shërbeu qytetarëve të Tiranës dhe mbarë shoqërisë. Unë dhe të gjithë ata që e kemi njohur, ndjehemi krenarë me trashëgiminë e tij.”
Prof. Dr. Sali Berisha
“Nuk të ndodh shpesh të takosh njerëz si Salih Kelmendi, tek i cili dija, dëshira për punë dhe dashamirësia për njerëzit ndërthuren kaq natyrshëm për të dhënë një drejtues të aftë, të ndershëm dhe largpamës. Libri “Qeverisja dhe politika si ndërvarësi” është mishërim i përvojës së tij shumëvjeçare dhe mendimit të tij të thellë dhe jep ide origjinale për zhvillimin e vendit. Përveç një analize të qeverisjes dhe politikës, autori në libër përshkruan rrymat e ndryshme filozofike si dhe ideologjitë e drejtimit të shtetit.”
Prof. Dr. Artan Trebicka
“Urtësia e fisnikëria e tij janë mes nesh! Si autor programesh e bashkautor në disa tekste mësimore, nga komunikimi i vazhdueshëm me Salën, përforcova edhe më tej mendimin për korrektësinë, nivelin e dijeve, komunikimin korrekt me kolegët dhe me të gjithë bashkëpunëtorët e tij të fushës së arsimit, në të gjithë vendin, nga veriu deri në jug. Ai ishte gojëëmbël e i dashur me të gjithë kolegët dhe bashkëpunëtorët.
Në këndvështrimin tim, në atë periudhë të vështirë që po kalonte Tirana dhe e gjithë Shqipëria, Sala do mbahet mend nga qytetarët e Tiranës e nga të gjithë ne, shokët e miqtë, si njeriu i përkushtuar i punëve të bashkisë, halleve të njerëzve, përpjekjeve për zgjidhjen e papunësisë e shumë problemeve sociale, me të cilat ndesheshin çdo ditë banorët e Tiranës në atë kohë.”
Doc. Ing. Esat Heta
Mbi autorin
Lindur më 31.05.1947 në Tiranë. Kreu arsimin e mesëm në gjimnazin “Qemal Stafa”, më pas u diplomua inxhinier mekanik më 1970 në Universitetin e Tiranës, Fakulteti i Inxhinierisë. Ka punuar fillimisht në prodhim, më tej në shkollën e mesme teknike dhe gjimnazin “Petro Nini Luarasi” në Tiranë.
Në vitet 1981 – 1991 ka shërbyer në Ministrinë e Arsimit dhe Kulturës. Në vitin 1992 u emërua Kryetar i Komitetit Ekzekutiv Pluralist të rrethit Tiranë dhe më 26 korrik 1992 u zgjodh Kryetar i Bashkisë Tiranë, detyrë që e vazhdoi deri në fund të vitit 1996. Në vitet 2006 – 2012 ka punuar si drejtor dhe drejtor i përgjithshëm në Ministrinë e Brendshme.
Ka qenë i zgjedhur anëtar i Këshillit Bashkiak të Tiranës në vitet 2007 – 2011. Ka kryer një numër specializimesh jashtë vendit, si për fushën e prodhimit, arsimit profesional, pushtetit vendor, mbrojtjes civile etj. Është autor i dy librave: “Tirana në vitet 1992 – 1996” dhe “Politikat ndërqeverisëse decentralizuese në ndërtimin e administratës”, si dhe autor në tekste të arsimit profesional.
Është i dekoruar me medaljen “Naim Frashëri”, Klasi lll. Ka marrë pjesë në fillimet e lëvizjes demokratike; anëtar i Partisë Demokratike nga viti 1990 dhe në vazhdim.