Politika e jashtme e Shqipërisë, Paskal Milo, vol. 1

Titulli: Politika e jashtme e Shqipërisë, vëllimi i parë (kopertinë e trashë)
Origjinali: Politika e jashtme e Shqipërisë, vëllimi i parë
Gjinia: Histori
Autori: Paskal Milo
Shtëpia botuese: Toena
Viti: 2013
Fq. 960
Pesha: 1.101 kg.
ISBN: 978-99943-1-924-4

Mbi librin

Shqipëria ka pasur një politikë të jashtme, përgjithësisht pasive e modeste për nga shkalla e angazhimit dhe arritjeve, më tepër reaguese sesa të projektuar e të paravendosur, por edhe mbrojtëse e paqësore. Në momente të veçanta ka dëshmuar edhe politikë aktive, relativisht të pavarur, qëndresë, por edhe synime strategjike më të përcaktuara.

Çdo etapë e historisë së shtetit shqiptar në këtë njëqindvjeçar, me përjashtim të kohës së dy luftrave botërore, ka pasur veçori të caktuara në politikën e jashtme të vendit, të dallueshme nga njëra-tjetra, por edhe me tipare të përbashkëta.

Autori ka arritur të qëmtojë fakte të reja e detaje në dokumentacionin arkivor të pabotuar të huaj e shqiptar, për ta paraqitur në një dimension sa më realist dhe sa më afër së vërtetës procesin e shpalljes së pavarësisë së Shqipërisë, të portretizojë figurat historike dhe kontributet e tyre në kompleksitetin e tyre e për t'i zbuluar me gjithë dritëhijet, me meritat dhe dobësitë.

Është e natyrshme që autori të përqendrohet në figurën e I. Qemalit, si personaliteti kryesor i Shpalljes së Pavarësisë dhe i Qeverisë së Përkohshme të kryesuar prej tij. Është jashtë çdo dyshimi se Qeveria e I. Qemalit nuk i kishte mjetet dhe mundësitë për të dalë në marrëdhëniet ndërkombëtare si palë, si subjekt. Kishte një marzh veprimesh tepër të ngushtë, aq më tepër që Fuqitë e Mëdha nuk e njihnin qeverinë. Megjithatë, në Vlorë ndodheshin përfaqësuesit e dy Fuqive në rang konsullate.