Kontribute ne kronologjine e historise se Shqiperise 1060-1560, Giuseppe Valentini

Titulli: Kontribute në kronologjinë e historisë së Shqipërisë (1060 – 1560)
Origjinali: Kontribute në kronologjinë e historisë së Shqipërisë (1060 – 1560)
Gjinia: Histori
Autori: At Giuseppe Valentini
Shtëpia botuese: Plejad
Viti: 2010
Fq. 304
Pesha: 0.36 kg
ISBN: 978-99956-57-49-9

Koment nga Ignazio Parrino
Valentini arriti në Shqipëri në një kohë kur misionarët jezuitë tashmë e quanin të konsoliduar pozitën e tyre në gjirin e katolicizmit shkodran. Megjithatë, me mprehtësinë dhe intuitën që e karakterizonte, ai e kuptoi menjëherë se veprimtaria e tyre vërtitej e gjitha brenda qerthullit katolik shkodran, pa e kapërcyer gardhin e tij dhe pa hyrë në lëmin e gjerë të lëvizjes kulturore dhe shoqërore që kishte nisur të shpërthente në Shqipëri, pas viteve '20. Këtë hop cilësor jezuitët do ta bënin vetëm më vonë, në fillim të viteve '30 me botimin e një reviste me qëllime të qarta dhe të prera filozofike, letrare e social – kulturore, që ata e quajtën L.E.K.A. Është pikërisht kjo revistë ku At Giuseppe Valentini do të dëftojë gjithë pasionin e tij për shkencë, gjithë aftësitë e tij mendore, gjithë vetitë e tij si studiues me përgatitje të thellë e të gjerë, që kapte skajet e erudicionit të ndriçuar nga kultura e tij humaniste, veshur me petkun e largpamësisë dhe origjinalitetit të spikatur të talentit të vet, sidomos në dyert e fushave të shkencave shoqërore.