Papa Kalisti lll, Skenderbeu, Shqiperia dhe kryqezata, Giussepe Valentini

Titulli: Papa Kalisti lll, Skënderbeu, Shqipëria dhe kryqëzata (1455 – 1458)
Origjinali: Papa Kalisti lll, Skënderbeu, Shqipëria dhe kryqëzata (1455 – 1458)
Gjinia: Histori
Autori: At Giussepe Valentini
Shqipëroi: Ndriçim Kulla, Dritan Thomollari
Shtëpia botuese: Plejad
Viti: 2009
Fq. 304
Pesha: 0.34 kg
ISBN: 978-99956-57-18-X

Mbi librin
Ky vëllim ka për bazë të vet një punim të tre autorëve (Shambra, Parino, Valentini) mbi dëshmitë që japin dokumentet e arkivës së Vatikanit mbi përkujdesjen e Papa Kalistit lll për çlirimin e Shqipërisë dhe vendeve të tjera ballkanike nga zgjedha osmane dhe për organizimin e një kryqëzate që do të vinte në krye të saj heroin tonë kombëtar, Gjergj Kastriotin. Për të qartësuar mendimin dhe interpretimin që At Giussepe Valentini i bën prejardhjes, rolit, historiografisë së jetës së Skënderbeut e në mënyrë kurioze edhe gjatësisë së shumë – diskutuar të tij, në libër përfshihet një kapitull i veçantë me titull "Skënderbeu në thjerrzën valentiniane", çka e pasuron atë me një aspekt kritik mjaft të domosdoshëm. Ndërsa për t'i njohur dhe për t'i parë në një perspektivë të përgjithshme dhe historike marrëdhëniet shqiptaro – papnore kemi dashur të jepnim edhe një shtojcë ku përfshihen dokumenta e dëshmi për një kontribut tjetër të rëndësishëm të këtyre marrëdhënieve, atë të një përpjekjeve për çlirimin e Shqipërisë në vitet 1593 – 1596 dhe më vonë, të synuar e mbështetur po njëlloj nga Selia e Shenjtë. Të gjithë këto kapituj, si pjesë e një mozaiku, duhen parë në qëllimin për t'i paraqitur lexuesit një sërë kontributesh, në përforcim të parashtrimit se marrëdhëniet shqiptaro – papnore përbëjnë për Shqipërinë një periudhë afatgjatë, një strukturë përsëritëse të historisë së saj, që ka arritur kështu t'i plazmojë, në pjesën më të madhe edhe vetë identitetin e kulturës.