Titulli: Lëvizja (Lindje e Përgjakur) – Bashkëbisedim me Ibrahim Kelmendin
Origjinali: Lëvizja (Lindje e Përgjakur) – Bashkëbisedim me Ibrahim Kelmendin
Gjinia: HistoriAutori: Bedri Islami
Shtëpia botuese: Tringa Design
Viti: 2012
Fq. 496
Pesha: 0.77 kg
ISBN: 978-608-211-046-2
Fragmente nga libri
Emri i Lëvizjes dhe i Ibrahim Kelmendit janë të lidhur me njëri – tjetrit që nga pararendja e ditës së 17 janarit 1982. Është në fakt dëshmuesi i vetëm i asaj ngjarjeje themeluese, por edhe të përgjakur, dhe nuk ka qenë si një soditës, por pjesë e saj. Siç e kam thënë më parë, Ibrahim Kelmendin, ashtu siç është, mund ta duash ose jo, ta pranosh si mik ose ta largosh, të jesh pjesë e tij ose të jesh krejt i huaj, por në asnjë moment nuk mund të jesh indiferent ndaj tij. Kjo nuk u përket njerëzve. Për më tepër, ajo vjen e bëhet veçori e disa njerëzve, të cilët, edhe pse nuk kanë asnjë lloj misteri në vete, përsëri, për shumëkënd, bëhen të mistershëm. Kelmendi është njëri prej tyre. Disa nga të fshehtat apo misteret e jetës së tij, zbulimin e së vetvetes, por edhe të ngjarjeve, ai përpiqet ta bëjë në këtë bashkëbisedim. Është i mirëseardhur. Bedri Islami Fillimisht dëshiroj të shfaq përcaktimin tim për këtë bashkëbisedim. Më ka impresionuar shumë vizioni i Robert Kenedit, të cilit kam ndërmend t'i përmbahem. Po citoj: "Pjesa më e madhe e njerëzve më shumë parapëlqejnë të ndihen të qetë, sesa ta njohin të vërtetën. Epo mirë, unë jam ai që do ta prish qetësinë tuaj, duke ua thënë të vërtetën." Mbase duhet sqaruar se bëhet fjalë për të vërtetën e jetuar dhe të përjetuar, për interpretimet dhe komentimet sipas perceptimit dhe këndvështrimin tim, në kohë dhe hapësirë kur kanë ndodhur ngjarjet. Ibrahim Kelmendi