Edi Rama, Politikani Pop(ulist)-Star, Belina Budini

Titulli: Edi Rama, politikani pop(ulist) – star
Origjinali: Edi Rama, politikani pop(ulist) – star
Gjinia: Shkenca politike
Autori: Belina Budini
Shtëpia botuese: UET Press
Viti: 2008
Fq. 128
Pesha: 0.16 kg
ISBN: 978-99956-39-11-2

Koment nga Artan Fuga

Nuk është aspak e rastit që ky libër është shkruar nga Belina Budini. Në moshë të re, sidomos për barrën profesionale që ka mbajtur mbi supe, ajo bën pjesë te ai brez, i cili nuk ka kurrfarë kompleksi ndaj tematikës së çështjeve që merr në shqyrtim, kudo, në faqet e shtypit, në bisedat shoqërore, përballë studentëve, në mbledhje publike e gjetiu.

Objekti i reflektimeve në të është konkret, tejet konkret, një personazh i vetëm, parë në evoluimin dhe aksionin e tij potik dhe intelektual brenda një periudhe krejt të përcaktuar. Analizat janë koherente, qëndrimi i autores është i ftohtë, domethënë nuk shpreh askund dhe aspak një ngatërrim të emocioneve, të bindjeve, të qëndrimeve të saj subjektive, me objektin e vet të studimit.

Belina Budini ndërmerr analizat e saj të hollësishme, të cilat do të ngjallin, me siguri, një interes të veçantë te lexuesi. Jo vetëm sepse ato përmbajnë këtë hipotezë shpjegimi të ngritjes dhe të bgallafaqimeve të një politikani shqitar, të përgatitjes së përballimit të tij të parë në shkallë kombëtare me të vërtetën, por, më tej akoma, nëpërmjet këtij shembulli, ajo ka treguar, çka është edhe më e rëndësishme, që bota e medias dhe ajo e politikës kanë ndryshuar nëpërmjet bashkëveprimit të tyre.

Autorja e këtij libri që keni marrë në dorë, Belina Budini, ka meritën se për herë të parë arrin ta fusë këtë hipotezë shkencore shpjegimi të marrëdhënieve midis politikës dhe mediave, në kontekstin e shkencave sociale shqiptare dhe sidomos të atyre të komunikimit dhe të informimit.