Vizione të qarta, Pjerin Thomai

Titulli: Vizione të qarta
Autori: Pjerin Thomai
Shtëpia botuese: Xhumrra, Durrës
f. 462
Pesha: 2.12 kg

Mbi librin

Libri "Vizione të qarta" që vjen në dritë për lexuesin, është dëshmi e ekzistencës së disidencës në Shqipëri, në kohën e monizmit, këtij fakti që disa njerëz e qarqe të huaja e të vendit, nuk duan ta pranojnë.Ky libër tregon se Shqipëria gjithmonë në çdo kohë, në çdo etapë, ka patur protagonistët e vetë, të dalë thjeshtë nga gjiri i popullit, protagonistë që ngelen në hije për shumë arsye, një pjesë e së cilave janë hedhur në këtë libër.Libri në vetvete, përmban të dhëna interesante të cilat ia vlen ti lexosh. Kapen shumë fusha, ku më shumë dominon ekonomia, fusha që ka shqetësuar autorin, ku dhe ai është më i përgatitur.Libri "Vizione të qarta" ashtu siç ka dhe titullin, shpreh dhe rrezaton vizione për atë që e lexon. Pra përfitimi me i madh do të jetë për atë që e lexon. Libri, ndonëse duket si një çështje personale e Pjerin Thomait, historia e tij, ne fakt po ta shohim më gjërë, është çështja e të gjithëve neve, shoqërisë e shtetit tonë, raportet e njerëzve me njeri-tjetrin dhe me shtetin, si dhe anasjelltas. E duke qenë kështu, mund të themi se ky libër është i joni, i tërë shoqërisë shqiptare, i Shqipërisë.