Titulli: Fronte dhe luftëra 1897 – 1900, vëllimi i dytë
Origjinali: Frontiers and wars
Gjinia: Histori
Autori: Winston S. Churchill
Shqipëroi: Fatmir Dibra
Shtëpia botuese: Fan Noli
Viti: 2006
Fq. 368
Pesha: 0.552 kg.
ISBN: 978-99943-873-2-4
Fragment nga libri
Dhe ja, kur kalif Abdullai vuri re se ushtria e fundit që i kish mbetur, ishte shpartalluar, se të gjitha sulmet e tij kishin dështuar dhe se mijëra luftëtarët e tij trima ishin vrarë, e braktisi me nxitim fushën e betejës dhe, si u kthye në qytet, si një luftëtar trim dhe këmbëngulës, filloi të përgatitej për mbrojtjen e tij dhe, si njeri i arsyeshëm, i siguroi vetes rrugën e tërheqjes kur qëndresa e tij e mëtejshme do të ishte e pamundur.
Urdhëroi t'i binin daulles së tij të madhe ushtarake e burisë dhe, për herë të fundit, këta tinguj depërtues u shpërndanë nëpër rrugët e Omdurmanit. Atyre nuk iu përgjigj askush. Arabët e kuptonin se çdo gjë ishte e humbur. Atyre nuk iu përgjigj askush. Arabët e kuptonin se çdo gjë ishte e humbur. Përveç kësaj të ktheheshe në qytet ishte e vështirë dhe e rrezikshme.
Sapo u bë e qartë se ne e pranonim kapitullimin e ushtarëve të veçantë, filluan të vinin dervisht dhe të dorëzonin armët – në fillim nga dy e nga tre, pastaj me dyzina e më pas me reparte të tëra.
Ndërkohë, ata që kishin vendosur të arratiseshin, bënë një kalim të gjerë që t'i shpëtonin kavalerisë sonë dhe me një valë të pandërprerë vazhdonin të largoheshin anash frontit tonë në një distancë prej një miljeje.