Historia e Luftës së Peloponezit, Tuqididi

Titulli: Historia e Luftës së Peloponezit
Origjinali: The history of Peloponnesian War
Gjinia: Histori
Autori: Tuqididi
Shqipëroi: Virgjil Muçi
Shtëpia botuese: ISP & Dita 2000
Viti: 2007
Fq. 320
Pesha: 0.26 kg
ISBN: 978-99943-57-16-1

Mbi librin

Historia e Luftës së Peloponezit, sipas autorit "një vepër për përjetësinë", ka ndikuar papushim politikën, politikën ndërkombëtare dhe strategjinë. Lufta e Peloponezit, 431 – 404 para erës sonë, mes fuqive të Athinës dhe Spartës dhe aleatëve përkatës, u shkaktua nga konfliktet për lundrimin, tregtinë dhe kolonitë dhe mbaroi me rënien e hegjemonisë detare të Athinës.

Historia e Luftës së Peloponezit i trajton mrekullisht të gjitha aspektet e luftës, është e pakapërcyeshme për zhbirimet e saj të shkëlqyera dhe tingëllon si një tragjedi klasike për ngritjen dhe rënien e Athinës. Historia e Luftës së Peloponezit është e para vepër e një historie shkencore. Tuqididi prirej nga vërtetësia, faktet e dëshmitë e gjalla, nga refuzimi i miteve dhe përshkrimi i botës njerëzore si rezultat i veprimit me motive gjithashtu njerëzore dhe pa ndërhyrjen e perëndive; ajo është edhe analiza e parë e politikave të luftës.

Tuqididi (460 – 400 para erës sonë), aristokrat thakas, historian athinjot dhe më i shquari i Greqisë së Lashtë, shkroi veprën monumentale Historia e Luftës së Peloponezit. Ai mbetet një mendimtar i madh politik për arsye të kuptimit të tij të thellë të natyrës njerëzore.