Hyrje ne Shkencat Politike, W. Philips Shiveley

Titulli: Hyrje në Shkencat Politike
Origjinali: Power and Choice, An introduction to Political Science
Gjinia: Shkenca politike
Autori: W. Philips Shiveley
Shqipëroi: Shpëtim Çuçka, Elvina Jusufaj, Mirlinda Shaqiri
Shtëpia botuese: Tirana Times
Viti: 2012
Fq. 584
Pesha: 0.69 kg
ISBN: 978-99956-736-3-5

Mbi librin

Ky libër jep një paraqitje të përgjithshme, krahasuese të koncepteve dhe temave kryesore të shkencës politike. Për shumë vite unë kam dhënë një kurs leksionesh, që synonin të arrinin këtë qëllim dhe përvoja më ka treguar se sa shumë kemi nevojë për një tekst, që konceptohet në mënyrë të gjallë dhe që iu jep studentëve shembuj konkretë të analizës, pa iu futur në qorrsokak me hollësira përcaktimesh.

Pikërisht këtë gjë kam synuar, kur shkrova për herë të parë këtë libër dhe jam shumë i kënaqur me mënyrën se si ai është pritur. Titulli i librit, Pushteti dhe Zgjedhja tregon një temë të varur, që përsëritet herë pas here. Politika mund të shihet si përdorim i pushtetit ose si produkt i zgjedhjes publike. Shpesh, duke trajtuar këtë subjekt, theksohet fuqimisht i pari ose i dyti.

Marksizmi e vë theksin të politika si përdorim i pushtetit, kurse pluralizmi dhe veprat më formale, modeluese, e vënë theksin te shfaqja e zgjedhjeve publike. Për qëllimin tonë të tanishëm, unë e kam përcaktuar politikën si përdorim të pushtetit për të marrë vendime të përbashkëta për një grup njerëzish, një përcaktim që me sa duket kërkon t'i mbajë të dyja këto pikëpamje njëherazi. Në faza të ndryshme të librit tim, unë vë në dukje shembuj, në të cilat vënia e theksit vetëm në njërën nga të dy gjysmat e këtij përcaktimi mund të çojë në interpretime të shtrembra.