Globalizimi i Islamit, Olivier Roy

Titulli: Globalizimi i Islamit
Origjinali: L'Islam mondialise
Gjinia: Shkenca politike, marrëdhënie ndërkombëtare
Autori: Olivier Roy
Shqipëroi: Aleko Minga
Shtëpia botuese: IDK
Viti: 2011
fq. 224
Pesha: 0.25 kg
ISBN: 978-9928-4051-4-2

Mbi librin

Me përhapjen e islamit në mbarë botën është bërë vështirësisht e dallueshme lidhja që bashkon një fe me një shoqëri a një territori të caktuar. S'duhet harruar se sot, kryesisht në sajë të emigracionit, pothuajse një e treta e të gjithë myslimanëve jetojnë në vende ku ata përbëjnë një pakicë.

Duke na shpjeguar gjendjen në të cilën gjendet islami jashtë kufijve të tij tradicionalë, Oliver Roy tregon se si e ashtuquajtura ringjallje islamike, apo "ri - islamizimi" në të vërtetë është kryesisht rezultat i përpjekjeve që bëjnë myslimanët që jetojnë në Perëndim për të afirmuar identitetin e tyre në një kontekst jo - mysliman.

Kjo shpjegon pse neofondamentalizmi, që po fiton terren para së gjithash, pikërisht ndër të rinjtë rrënjëdalë myslimanë që jetojnë në Perëndim, më shumë se sa një reagim ndaj oksidentalizmit, duhet parë si një pasojë e tij. Në fakt, siç na shpjegon O.Roy, sot në botën myslimane vërehet një skizmë mes lëvizjeve tradicionale myslimane, nga njëra anë, dhe militantëve rrënjëdalë, të cilët rreken të krijojnë një umma ( apo bashkësi myslimane) imagjinare, që s'ka lidhje me ndonjë shoqëri apo territor të caktuar, nga ana tjetër.

Oliver Roy sjell një tablo mjaft të detajuar të universit të lëvizjeve të shumta ekzistuese islamike, duke argumentuar se dukuria e fondamentalizmit islamik më shumë se sa reagim ndaj procesit të oksidentalizmit, përbën një produkt të globalizmit. I njohur si ndër autorët më me emër në botë për Islamin politik, si dhe Lindjen e Mesme, Oliver Roy është aktualisht drejtor i studimeve i Shkollës së Studimeve të Larta në Shkencat Sociale, në Paris. Ndër librat e tij, më i njohuri është "Dështimi i islamit politik".

Koment mbi autorin

"Oliver Roy është ndoshta shkrimtari më provokues dhe më novator që ekziston sot për islamizmin. Askush tjetër si ai s'është në gjendje të na japë një udhërrëfyes kaq të besueshëm në këtë labirint."

Middle East Quarterly