• Banner

  • Çmim i zbritur

Mbi tiraninë, Timothy Snyder

Një historian i specializuar mbi historinë e Europës Lindore dhe Holokaustit i shpjegon lexuesve me fjalë të thjeshta se si ndodh që një demokraci e brishtë zëvendësohet me një diktaturë totalitare, qoftë kjo fashizëm apo komunizëm. Timothy Snyder na tregon se cilat janë shenjat që paralajmërojnë shfaqjen e tiranisë dhe se çfarë mund të bëjmë ne qytetarët e zakonshëm për të mbrojtur liritë tona.

4,450000 
3,780000  Ruaj 15%
Sasia
Në gjendje

Përshkrimi

Mbi tiraninë, Timothy Snyder

Titulli: Mbi tiraninë: Njëzet leksione nga shekulli i njëzetë

Origjinali: On Tyranny: Twenty Lessons from the Twentieth Century

Gjinia: Politikë, histori.

Autori: Timothy Snyder

Shqipëroi: Gjergj Erebara

Shtëpia botuese: Shtëpia e Librit

Viti: 2020

Fq. 136

Pesha: 0.17 kg

ISBN: 978-9928-4456-7-4

1.Biblioteka dhe qeverisja    2. Despotizmi    3. Demokracia

Mbi librin

Historianët e specializuar për periudhën e gjysmës së parë të Shekullit të Njëzetë kanë hasur gjatë kohëve të fundit një rritje të interesit mbi temat e trajtuara nga ta: ngritja e partive jotolerante të krahut të djathtë; dominimi i diskursit publik nga propaganda; përdorimi i teknologjisë së re (radioja në epokën e Musolinit dhe interneti në kohën tonë) për të përçuar propagandën deri në mjediset më intime të individit; humbja e besimit te institucionet demokratike dhe kërkimi për një udhëheqës të fuqishëm; demonizimi i minorancave si hebrenjtë apo myslimanët. Teoritë e komplotit, ca të mbështetura në gjysmë të vërteta dhe ca të mbështetura në fantazi të pastër. Por historianët nuk janë aspak të lumtur për mënyrën se si njerëzit po kërkojnë të shohin nga fillimi i shekullit të njëzetë, konkretisht, i ngritjes së regjimeve totalitare apo diktatoriale, për të kuptuar se çfarë po ndodh me ta.

Ne po jetojmë në kohë të rrezikshme, thotë Timothy Snyder, një nga historianët më të fortë amerikanë të shekullit të njëzetë, i specializuar për Holokaustin dhe Europën Lindore. Por historia nuk e përsërit vetveten, argumenton ai, duke hedhur poshtë maksimën që europianolindorët e kanë brendësuar gjatë kohës së komunizmit.

Megjithatë, thotë Snyder, ne mund të nxjerrim mësime nga historia.

Në një libër konciz ku çdo fjali është një maksimë, Snyder merr përsipër të na japë njëzet leksione nga shekulli i njëzetë mbi atë se si ne dhe bashkëkohësit tanë duhet të përballemi me rrezikun e tiranisë.

Nëse je një polic, një gazetar apo një jurist, këshillon Snyder mes të tjerash, ki parasysh se respektimi i parimeve etike të profesionit tuaj mund të rezultojë një element vendimtar në parandalimin e një tiranie.

Nëse je qytetar, ki parasysh se informacioni që ti lexon dhe informacioni që shpërndan në internet është po kaq i rëndësishëm. Nëse lexon dhe shpërndan informacione të pakonfirmuara, është njësoj si t’i japësh makinës në rrugë dhe të përplasesh me makinën përballë pa e ditur se një qenie tjetër njerëzore përveç teje rrezikon të humbasë jetën nga pëplasja.

Dhe nëse do të jesh qytetar i mirë, argumenton ai më tutje, lexo më shumë libra fizikë dhe ndiq më pak internet.

Ka kaq shumë persona mes nesh të cilëve nuk ua ndjen se në çfarë bote jetojnë dhe kërkojnë përgjigje të thjeshta për jetën e vet. Këto lloj përgjigjesh na lehtësojnë ne të menduarit dhe na ndihmojnë për të krijuar identitete të rreme, një të shkuar të lavdishme apo një të ardhme utopike. Brexit nuk ishte një kthim pas në një të shkuar të lavdishme por një hap përpara drejt një të ardhmeje të panjohur, thotë Snyder mes të tjerash, duke na dhënë edhe një leksion mbi shkencën e historisë dhe mënyrën se si ne duhet t’i përqasemi asaj.

Mbi autorin

Timothy Snyder (lindur më 18 gusht 1969) është një shkrimtar amerikan dhe historian i specializuar në historinë e Europës Qendrore dhe Lindore dhe në historinë e Holokausit. Aj jep leksione në universitetin e Jellit në SHBA dhe në Institutin e Shkencave Shoqërore në Vienë. Ai flet pesë gjuhë europiane dhe lexon në dhjetë gjuhë. Librat e tij janë botuar në dyzet gjuhë dhe kontributi i tij është njohur nga medaljet shtetërore të dhëna nga Estonia, Lituania dhe Polonia. Ai ka fituar çmimin Hannah Arendt për Mendimin Politik. Citimet e tij janë përdorur për pankarta në demonstrata të zhvilluara në shumë vende.

Detajet e librit
Ndoshta mund të pëlqejë edhe
16 libra të tjera në këtë kategori:

Referenca: SKU001144

Botuesi: Dija-Poradeci

Aranitasit dhe Mallakastra, libri i parë, Bujar Mucaj

(0)

Një gjë do të them me bindje: është një libër që lexohet me endje, me dëshirë dhe me kureshtje deri në fund. Të mëson dhe të bën të mendosh. Libri i tij, pa dyshim, është një trajtesë e thukët dhe, si e tillë, një pikë referimi në bibliografinë për Mallakastrën.

Çmimi 6,050000  Çmimi i zakonshëm 7,120000 
More
Ka mbaruar

Botuesi: Fan Noli

Fjalimi i madh, Mustafa Kemal Ataturk

(0)

Të pranosh protektoratin dhe mbrojtjen e një shteti të huaj nuk është asgjë më shumë veccse të pranosh pamjaftueshmërinë dhe pafuqinë. Në të vërtetë, ata që nuk kishin rënë kaq poshtë, kurrë nuk do ta pranonin mundësinë e sjelljes mbi krye të një zotërie të huaj.Kurse dinjiteti, krenaria dhe aftësia e turkut është shumë e lartë dhe e madhe.

Çmimi 15,130000  Çmimi i zakonshëm 17,800000 
More
Në gjendje

Referenca: SKU001933

Botuesi: Fan Noli

Zhozef Fushe, Stefan Zweig

(0)

Zhozef Fushenë, njërin prej njerëzve më të fuqishëm të kohës së tij dhe njërin prej njerëzve më të shquar të të gjitha kohërave, nuk e kanë dashur bashkëkohësit e tij dhe pasuesit e kanë gjykuar edhe më keq.

Çmimi 7,570000  Çmimi i zakonshëm 8,900000 
More
Ka mbaruar

Botuesi: CUNEOS

Pushtete të huaja: Teori e pastër e ideologjisë, Kenneth Minogue

(0)

Ndonëse në përpëlitje për të rregulluar jetëne tyre politike dhe kulturore shqiptarët kanë nisur konversacionin edhe me të kaluarën e tyre të afërt. Besojmë se ky studim i profesor Minogue-ut do ta pasurojë atë. Libri vjen me një parathënie ekskluzive të autorit për botimin në gjuhën shqipe.

Çmimi 9,830000  Çmimi i zakonshëm 11,570000 
More
Në gjendje

Botuesi: Botart

Napoleon Bonaparti, Pascale Fautrier

(0)

Bonaparti u bind shumë shpejt se kishte një fat: kjo biografi na tregon rastësitë e jetës së tij. Ai pak nga pak u sakrifikua për shtetin francez, derisa sakrifikoi njeriun privat brenda tij: Pascal Fautrier i rikthen atij humanizmin dhe shkruan romanin e Bonapartit.

Çmimi 9,830000  Çmimi i zakonshëm 11,570000 
More
Në gjendje

Referenca: SKU001001

Botuesi: Dituria

Majat e Shalës, Rose Wilder Lane

(0)

"Majat e Shalës" është dëshmia e shkruar e një udhëtareje amerikane për Shqipërinë në fillim të viteve '20 të shekullit të kaluar. Një grup misionaresh të huaja ndërmarrin një udhëtim në viset veriore të vendit nga Shkodra në Shalë, Theth e Shosh.

Çmimi 4,540000  Çmimi i zakonshëm 5,340000 
More
Ka mbaruar
chat Përshtypjet (1)
Grade