Titulli: Arbën Xhaferi, vepra e plotë
Gjinia: Vepra e plotë
Autori: Arbën Xhaferi
Shtëpia botuese: Qendra Kulturore Klan Kosova
Viti: 2017
Fq. 2032
Pesha: 3.334 kg.
ISBN: 978-9951-8951-1-8
Përmbajtja e veprës
• Vëllimi i parë: Kombi, identiteti, shteti
• Vëllimi i dytë: Kauza shqiptare në Maqedoni
• Vëllimi i tretë: Marrëdhëniet shqiptaro – serbe, çështja e Kosovës
• Intervista 1995 – 2005
• Intervista 2006 – 2012
Komente mbi autorin
"Arbër Xhaferi është si një udhëkryq që i bashkon rrugët shqiptare për të rindarë drejtimet e të menduarit mbi të shkuarën, të sotmen e të ardhmen e shqiparizmës, dhe mbase është po ashtu, i vetmi mes të shquarve të gjindjes sonë, që as nuk është lëvduar ndonjëherë aq sa e meriton, po as nuk është gjuajtur ndonjëherë me gurë siç nuk e meriton.
Duket sikur të gjithë pajtohen me qënien e tij në një pozicion si të ndërmjetëm mes të gjithëve e shumëçkaje, personazh me një status krejt unikal, i cili i ka lejuar vetes të synojë sintezën e shumëlakmuar po asnjëherëmbërritur të Shqipëribërjes, duke u marrë njëkohësisht edhe me histori, edhe me filozofi, edhe me kritikë, edhe me politikë, edhe me diplomaci, e gjithëherë duke ruajtur një distancë higjenike nga të gjithë lëvruesit shqipfolës të këtyre lëmeve, ku ai ka parapëlqyer të bëjë rolin e bletës së urtë nektarmbledhëse, pa u ndalur kurrë të bëjë grenxën e zhurmshme që pickon për t'u imponuar."
Edi Rama
"Shkrimet dhe prononcimet e Arbenit kanë pas influencë të madhe dhe shpesh kanë ngjall debate dhe polemika, të cilave ai nuk i ikte sepse besonte se shoqëria nuk mund të lëvizë dhe të zhvillohet pa konfrontime dhe konkurrencë mendimesh. Por ndihej nevoja që ato të ribotohen të përmbledhura për të kuptuar më mirë tërësinë, shtresimet dhe peshën e jashtëzakonshme, jo vetëm politike të mendimit të tij."
Shkëlzen Maliqi