Titulli: Rregullat e Gotit, historia e Xhon Alitës dhe rënia e mafias Amerikane
Origjinali: Gotti's Rules: The Story of John Alite, Junior Gotti, and the Demise of the American Mafia
Gjinia: Histori
Autori: Xhorxh Anastasia
Shtëpia botuese: Botimet Living
Viti: 2015
Fq. 332
Pesha: 0.507 kg.
ISBN: 978-9928-42-36-34
Mbi librin
Një përshkrim gazetaresk i historisë së Xhon Alitës në familjen kriminale Gambino dhe rolit të tij në gjyqet federale të Xhunior Gotit dhe Ҫarls Karnelias. Skenat dhe dialogët janë rindërtuar duke u bazuar në dëshmi të cituara gjatë gjyqeve, shkresa gjyqësore, intervista, dokumente të FBI-së dhe organeve të tjera zbatuese të ligjit, si dhe në histori të botuara në shtyp.
Rregullat e Gotit:
1. Sa herë të jetë e nevojshme, vartësit duhet të marrin përsipër krimet për të cilat mund të akuzohen Goti ose familja e tij.
2. Sa herë që është e mundur përdorni nofka poshtëruese për njerëzit që i keni nën vete! Në këtë mënyrë përcaktohet se kush drejton dhe kush duhet të nënshtrohet.
3. Çdo anëtar apo bashkëpunëtor e ka kategorikisht të ndaluar të ketë marrëdhënie seksuale me bashkëshorten, të dashurën apo bijën e ndonjë anëtari tjetër të organizatës.
4. Asnjë pjesëtar i bandës nuk duhet të mbajë syze dielli në praninë e bosit.
5. Anëtarët dhe bashkëpunëtorë të tjerë të familjes kriminale nuk lejohen të flasin në media. Ndalohet dhënia e intervistave dhe dalja në televizion. Bashkëshortet dhe të dashurat duhet të demonstrojnë përulësi. Ato nuk duhet të flasin në publik dhe nuk duhet të bien në sy.
Fragment nga libri
Mafia amerikane mori sistemin e vlerave të komunitetit italo – amerikan dhe e bastardoi atë duke e përdorur për përfitimet e veta. Konceptet e nderit, besnikërisë dhe respektit, koncepte që vazhdojnë të karakterizojnë pjesën më të madhe të familjeve italo – amerikane, ashtu si makaronat dhe qoftet për darkën e së dielës, u deformuan në një kod sjelljeje që u jepte pushtet dhe status gangsterëve dhe mafiozëve.
Xhon Goti e luajti mirë këtë lojë. Xhunior Goti e shfrytëzoi atë, por asnjëherë nuk diti të luante si duhej. Në mënyrë krejt ironike, Alite, me prindër shqiptarë, e kuptoi këtë lojë më mirë sesa Xhuniori.
Mësonte më shumë me kalimin e moshës. Në fillim u tundua dhe u magjeps nga mafia, e tërhoqi pushteti dhe karizma e familjes Goti, por më pas u abuzua prej saj. Në fund, u shkëput fare. Mos vallë ai bashkëpunoi me drejtësinë për të shpëtuar lëkurën? T'i lëmë kësi pyetjesh. Kjo është pjesë e historisë së tij. Por ka më shumë se kaq...
Mbi autorin
Xhorxh Anastasia ka punuar për më shumë se tridhjetë vjet si reporter investigativ në gazetën "Philadelphia Inquirer". Ai është nip emigrantësh sicilianë që u vendosën në jug të Filadelfias. Është autori i gjashtë librave që përshkruajnë ngjarje të vërteta.
Veprat e tij më të spikatura janë: "Gjak dhe nder: brenda organizatës kriminale të Skarfos, familjes më të dhunshme mafioze" (Xhim Breslini e quajti "libri më i mirë për mafien që është shkruar ndonjëherë); "Gangsteri i fundit" dhe "Era e verës: Tomas Kapani dhe vrasja e En Meri Fejhit". Xhorxh Anastasia jeton në Nju Xhersi.
