Kush jemi ne, Samuel P. Huntington

Titulli: Kush jemi ne?
Origjinali: Who are we?
Gjinia: Histori
Autori:Samuel P. Huntington
Shqipëroi: Artan Meçi
Shtëpia botuese: Helga’s Secrets
Viti: 2013
Fq. 594
Pesha: 0.607 kg
ISBN: 978-9928-09-012-6

Mbi librin

Ky libër merret me ndryshimet që ndodhin në spikatjen dhe substancën e identitetit kombëtar amerikan. Spikatja është rëndësia që amerikanët i atribuojnë identitetin e tyre kombëtar krahasuar me shumë identitete të tjerë të tyre. Substanca i referohet asaj se çfarë amerikanët mendojnë që kanë të përbashkët dhe që i dallon ata nga popujt e tjerë. Ky libër avancon tre argumente kryesore.

Së pari, spikatja e identitetit të tyre kombëtar për amerikanët ka ndryshuar gjatë historisë. Vetëm në fundin e shekullit të XVIII – të, kolonët britanikë në bregdetin e Atlantikut fillojnë ta identifikojnë veten jo vetëm si banues të kolonive të tyre të veçanta, por po ashtu edhe si amerikanë.

Pas pavarësisë, ideja e një kombi amerikan fitoi terren gradualisht dhe me mëdyshje në shekullin XIX – të. Identiteti kombëtar u bë i shquar, krahasuar me identitetet e tjerë pas Luftës Civile kombëtarizimi amerikan lulëzoi gjatë shekullit pasues.

Së dyti, gjatë shekujve amerikanët në shkallë të ndryshueshme e kanë përcaktuar thelbin e identitetit të tyre në terma të racës, përkatësisë etnike, ideologjisë dhe kulturës. Raca dhe përkatësia etnike tashti kryesisht janë eliminuar: amerikanët e konsiderojnë vendin e tyre si një shoqëri shumë etnike, shumë racore. “Kredoja amerikane”, e formuluar fillimisht nga Thomas Jefferson dhe e zhvilluar nga shumë të tjerë, shihet gjerësisht si element kritik përcaktues i identitetit amerikan.

Së treti, kultura anglo – protestante ka qenë themelore për identitetin amerikan për tre shekuj. Kjo kulturë është ajo çfarë kanë pasur amerikanët të përbashkët dhe, siç e kanë vënë re të huajt e shumtë, ajo që i ka dalluar ata nga popujt e tjerë.