Titulli:Lufta për çipin
Origjinali:Chip War
Gjinia:Histori
Autori:Chris Miller
Shqipëroi:Sokol Mici
Shtëpia botuese:Botart
Viti:2024
Fq.408
Pesha: 0.650 kg
ISBN:9789928341860
Ky libër është në gjuhën shqipe
Mbi librin
Shumë do të çuditeshin po ta dinin se mikroçipet janë nafta e re – burimi i pakët nga i cili varet bota moderne. Sot fuqitë ushtarake, ekonomike dhe gjeopolitike ngrihen mbi themelet e çipeve kompjuterike. Virtualisht çdo gjë – nga raketat deri te mikrovalët, nga telefonat Inteligjentë deri te tregjet e aksioneve – vihen në punë nga gjysmëpërçuesit. Deri para pak kohe Shtete e Bashkuara të Amerikës disenjonin dhe ndërtonin çipet më të shpejta në botë, por tani kjo po iu shket nga dora. Kina, e cila shpenzon më shumë para për importimin e çipeve se për atë të naftës, po investon miliarda për të arritur vendet e tjera në këtë fushë – një përpjekje e shfrenuar për të siguruar teknologjinë më të rëndësishme në botë. Në lojë është jo vetëm prosperiteti ekonomik i Perëndimit, por edhe superioriteti i tij ushtarak.
“Lufta për çipin” përshkruan historinë intriguese se si çipet e vockla prej silikoni arritën të përcaktojnë botën tonë, nga gjenitë shkencorë, që i shpikën, e deri te titanët teknologjikë, të cilët ngritën Luginën e Silikonit, nga fitimet që gjeneruan e deri te zyrtarët e Pentagonit, të cilët i përdorën për të revolucionarizuar fuqinë ushtarake. Libri na zbulon peizazhin modern të gjysmëpërçuesve, ku konstruktohen çipet moderne nga komponentët elektronikë më të vegjël që janë prodhuar ndonjëherë, të gjithë për të mbështetur një industri me përmasa gjigante, duke përfshirë në mënyrë masive zinxhirët kompleksë të globalizuar të furnizimit në shërbim të disa prej kompanive më me vlerë në botë.
Siç tregohet te “Lufta për çipin” në mënyrë provokative, po vjen ora e larjes së llogarive tani që Kina po përpiqet për të vendosur supermacinë e saj në fushën e gjysmëpërçuesve, ndërsa Shtete e Bashkuara dhe Perëndimi përpiqen ta pengojnë për të arritur këtë qëllim.
