Titulli: Kafsha e pabindur e pushtetit
Gjinia: Filozofi
Autori: Klementin Mile
Shtëpia botuese: UET Press
Viti: 2018
Fq. 170
Pesha: 0.315 kg.
ISBN: 978-9928-236-52-4
Komente mbi librin
"Studiuesi ka ditur të depërtojë në përmbajtjen e nocionit të shtetit të së drejtës në hapësirë dhe në kohë. Një qasje e tillë metodike ka një rëndësi të madhe praktike për leximin e aksionit politik që shpaloset nga partitë politike në Shqipëri. Mund të thuhet se studiuesi me shqetësimin e argumentimit të metodës së kërkimit ka grumbulluar një material të pasur dhe nga literatura ndërkombëtare që lidhet me diskutime rreth kuptimit të shtetit të së drejtë parë kjo në rrafshin vendor dhe historik. Në këtë kuptim studimi ka edhe një rëndësi të madhe praktike dhe për një publik edhe më të gjerë, duke i dhënë mundësi të reflektojë ndaj programeve, diskursit të liderëve politikë dhe debatit politik të tyre në lidhje me kuptimin teorik dhe praktik të shtetit të së drejtës."
Prof. Dr. Gjergj Sinani
"Teoria dhe metodologjia në këtë studim janë të lidhura në mënyrë të pazgjidhshme, gjë që e ndihmon punimin të qëndrojë brenda parametrave shkencorë në mënyrë të natyrshme. Kjo lidhje e ngushtë e justifikon plotësisht metodologjinë dhe metodat përkatëse, pasi u jep instrumenteve të kërkimit mundësinë që të aplikohen gjithmonë mbi objekte të një realiteti të strukturuar teorikisht. Në këtë mënyrë është siguruar një koherencë ndërmjet fazave të ndryshme të procesit të kërkimit: mbledhjes, analizës dhe interpretimit të të dhënave. Në procesin e kërkimit nuk i është lënë asgjë rastësisë; kështu në punim gjen strategji analitike si për realizimin e përshkrimit shkencor ashtu dhe për shpjegimin shkencor. Këto strategji analitike rekomandohen nga teoria e përzgjedhur (teoria e sistemeve) dhe prandaj kontribuojnë shumë mirë në kuadrin metodologjik."
Prof. Dr. Tonin Gjuraj