Titulli: Njeriu dhe shteti
Origjinali: Man and the state
Gjinia: Filozofi
Autori: Jacques Maritain
Shqipëroi: Stavri Pone
Shtëpia botuese: ISP & Dita 2000
Viti: 2008
Fq. 276
Pesha: 0.252 kg.
ISBN: 978-99943-57-420
Mbi librin
Njeriu dhe shteti, 1951, u shkrua në anglisht nga autori dhe është ndoshta traktati më shënjues i teorisë politike tomiste. Vepra analizon dhe përkufizon me një qartësi e siguri të pakrahasueshme konceptet themelore të politikës si shteti, shoqëria, populli, sovraniteti; parashtresa lidhur me mjetet dhe qëllimet në politikë nga qasja morale për tek ajo politike të rikujtojnë se doktrina tomiste është më e gjallë se kurrë dhe se politika amorale nuk është politikë, se zgjidhjet teknike nuk mund të zëvendësojnë zgjedhjet morale.
Maritain ofron një teori gjeniale dhe të thellë mbi atë se si ligji dhe të drejtat natyrore mund të bëhen plotësues të njëri – tjetrit. Për këtë arsye, kjo vepër mbetet kontributi i tij më themeltar në filozofinë politike.
Mbi autorin
Jacques Maritain, 1882 – 1973, filozof katolik francez, neotomisti më i shquar modern që rivitalizoi shën Thoma Akuinin, mendimtar politik, një nga hartuesit më të rëndësishëm të Deklaratës Universale të të Drejtave të Njeriut; autor i më shumë se 60 librave.
Gjerësia e veprës së tij filozofike, në veçanti filozofia politike e morale, ndikimi që ajo pati në filozofinë sociale të Kishës Katolike dhe mbrojtja këmbëngulëse e të drejtave të njeriut e kthyen atë në një nga figurat qendrore të kohës së tij.