Kanoa prej letre, Eugenio Barba

Titulli: Kanoa prej letre, ese në antropologjinë e teatrit
Origjinali: The Paper Canoe
Gjinia: Ese
Autori:  Eugenio Barba
Shqipëroi: Romeo Kodra
Shtëpia botuese: Pika pa sipërfaqe
Viti: 2015
Fq. 285
Pesha: 0.313 kg.
ISBN: 978-9928-185-25-9

Fragment nga libri

Lënda e parë e teatrit nuk është aktori, hapësira apo teksti, por vëmendja, vështrimi, dëgjimi, mendimi i spektatorit. Teatri është arti i spektatorit. Njësoj si ai poeti me shqisa veçanërisht të mprehta, për të cilin fliste Baudelaire – i, çdo spektator, edhe kur nuk e di, percepton herë me lupën e madhe të dylbive imagjinare e herë me të voglën, herë vrojton tërësinë në distancë e herë përpihet nga detaje fare të vogla.

Antropologjia teatrore shquan parimet që aktori duhet të aktivizojë për të mundësuar këtë vallëzim të shqisave dhe të mendjes së spektatorit. Detyra e aktorit është njohja e këtyre parimeve dhe ekspolorimi i pandërprerë i mundësive praktike që ato mundësojnë; kjo ka të bëjë me mjeshtërinë e tij. Se si dhe për ç'qëllime e përdor vallëzimin, kjo ka të bëjë me etiketën e tij.