Titulli: Shoqëria kundër shtetit, kërkime në antropologji politike
Origjinali: La Sociètè contre l'Ètat
Gjinia: Social sciences, anthropology
Autori: Pierre Clastres
Shqipëroi: Orgest Azizi
Shtëpia botuese: Pika pa sipërfaqe
Viti: 2014
Fq. 314
Pesha: 0.309 kg.
ISBN: 978-9928-185-04-4
Fragment nga libri
Kur fusha ekonomike nis të veçohet si fushë e mëvetësishme dhe e përcaktuar qartë në shoqëritë primitive, kur veprimtaria prodhuese kalon në punë të tjetërsuar, të kontabilizuar e të diktuar nga ata që do të gëzojnë frytet e kësaj pune, atëherë do të thotë se shoqëria nuk është më primitive, se është bërë tani një shoqëri e ndarë në sundues dhe të sunduar, në zotër dhe vartës; do të thotë se ajo nuk arrin dot më të mbrohet duke kanalizuar forcat që janë vdekjeprurëse për të: pushtetin dhe respektin e pushtetit.
Ndarja më madhore e shoqërisë, ajo që themelon dhe kushtëzon gjithë të tjerat, përfshi pa dyshim edhe ndarjen e punës, është shpërndarja e re vertikale mes bazës dhe majës, është prerja politike mes atyre që zotërojnë forcën, luftarake a fetare qoftë, dhe atyre që i nënshtrohen asaj.
Marrëdhënia politike e pushtetit vjen përpara dhe kushtëzon marrëdhënien ekonomike të shfrytëzimit. Përpara se të jetë ekonomik, tjetërsimi është politik: pushteti vjen para punës, ekonomikja rrjedh nga politikja, ardhja e shtetit përcakton lindjen e klasave.
Mbi autorin
Pierre Clastres (1934 – 1977), antropolog dhe etnolog francez, ka jetuar gjatë me indianët e Amerikës së Jugut, të cilët kanë shërbyer si pikënisje për reflektimet dhe punimet e tij të shumta në antropologjinë politike, mes të cilave "Kronikë e indianëve Guayaki" (Plon, 1972) dhe "Shoqëria kundër shtetit" (Les Editions de Minuit, 1974).